Ўзбекистон Республикаси Олий ва махсус ўрта таълим вазирлиги олий ўқув юртларининг талабалари учун дарслик сифатида тавсия этган

ЭПОКСИД СМОЛАЛАР
Мамлакатимизда саноат миқёсида эпоксид смолалар ишлаб чиқариш тахминан 1960 йиллардан бошланган. Шу вақт ичида янги материал саноатининг қатор муҳим тармоқларида самолётсозлик ва кемасозликда, электротехника ва радиоэлектроникада, машинасозликда, саноат ва уй-жой қурилишида кенг кўламда ишлатиладиган бўлди. Эпоксид смолалар ишлатишнинг тез ўсиши унга ишлов беришнинг осонлиги ва ундан олинадиган материалларнинг қимматли хоссаларга эга эканлиги билан тушунтирилади.
Смола билан котирупчи аралашмаси маълум ҳарорат шароитида қимматли техннкавий хоссаларга эга бўлган, суюқланмайдиган ва эримайдиган қотган маҳсулотларга айланади. Эпоксид смолаларнинг қотиши полибирикиш реакциясидан иборат бўлиб, натижада полимер маҳсулот ҳосил бўлади. Бу учувчан қўшимча маҳсулот ажралиб чиқмайдиган қайтмас процессдир. Қотирилган смолаларнинг хоссалари кўп жиҳатдан қотирувчининг турига боғлиқ. Эпоксид смолалар жуда мустаҳкамлиги, атмосфера ва коррозия таъсирига чидамлилиги, шиша, керамика, ёғоч, пластмасса ва металларга яхши адгезияси билан ажралиб туради. Ўлар мустаҳкам шиша пластиклар, ғовак пластлар ва пресслашда катта оқувчанликка эга бўлган пресскомпозициялар тайёрлашда юқори сифатли лак-бўёқ материаллар сифатида ишлатилади. Эпоксид смолалар электр ва радиотехникада қуйиш компаундлари сифатида ишлатилади. Компаундлар қуруқ смолага плас-тификаторлар ва кейин тўлдиргичлар қўшиб тайёрланади. Эпоксид смолалардан металлни совуқ ҳолатда чўзиш учун штамплар, технологик асбоб-ускуналар, жумладан, прессқолиплар, моделлар ва стерженли яшиклар тайёрланади. Бунда ишлаб чиқаришга сарф бўладиган меҳнат ва вақт 2—5марта камаяди, технологик асбоб-ускуналарнинг оғирлиги 6—10 марта енгиллашади, кўп ишлаб чиқариш майдони ҳамда кўпгина асбоб-ускуналар бўшайди, демак капитал қурилишга сарф бўладиган маблағ анчагина камаяди. Қуймалар нуқсонларини эпоксид смолалар билан ямаш қимматли деталь ва қуймаларни сақлаб қолишга ва тузатгичдан кейин хоссаларининг ўзгармаслигига имкон бсрадн. Шунга қарамай, эпоксид смолаларнинг нархи иисбатан юқорилигн туфайли уларнииг ишлатилиш тармоқлари ҳали етарли даражада кенг эмас.