Ўзбекистон Республикаси Молия вазирлиги

8.2. Лойиҳа муҳити ва таъсир этувчи омиллар
Макродаражада ишлаб чиқариладиган лойиҳалар учун яратиладиган лойиҳа муҳитини яратиш ҳамда ривожлантириш учун ташқи ва ички омиллар таъсирини авваламбор, микро-даражада (корхона мисолида) кўриб чиқиш мақсадга мувофиқдир. Корхонанинг лойиҳага таъсирини яъни лойиҳанинг ички муҳити омиллари қуйидагиларни ташкил этади.
Корхона раҳбарияти – лойиҳанинг мақсади ва асосий талабларини аниқлашнинг бош манбаи ҳисобланади. Корхонанинг ривожланиш стратегиясидан келиб чиқиб, раҳбарият мутахассисларнинг алоҳида талабларини умумлаштиради. Албатта, лойиҳани амалга оириш талабига раҳбариятнинг махсус талаблари шунингдек, бўлинмалар ва корхона мутахассислари, ходимлари томонидан лойиҳанинг мақсад ва талабларини тўғрилаш (корректировка) тартиби ва услубияти қўшилади,.
Молия соҳаси – маҳсулотни серияли ишлаб чиқариш ва лойиҳа ҳаражатларини қоплаш учун калкуляциялар ҳисоби билан лойиҳанинг бюджет доирасини ҳамда лойиҳани молиялаштириш усуллари ва манбаларини аниқланади.
Сотиш соҳаси – лойиҳанинг муҳим талаб ва шартларини ташкил қилади, бу эса сотиш бозорлари ва сотиб олувчиларни қарорлари билан аниқланадиган, рақобатчиларнинг мавжудлиги билан бир қаторда ҳаражатлар билан ҳам боғлиқ.
Тайёрлаш соҳаси – ишлаб чиқариш воситалари бозори билан боғлиқ ва ўзининг махсус талабларини олдинга суради, масалан: технология ва ускуналардан фойдаланиш бўйича тавсиялар, туриб қолган ишлаб чиқариш майдонларини ишга тушириш талаби, маълум технологик жараёнлардан воз кечиш, ишлаб чиқариш воситалари бозори имкониятларининг лойиҳа талабларига мос келиши ва бошқалар.
Моддий таъминот соҳаси – хом ашё ва ярим тайёр маҳсулотлар бозори билан боғлиқ ва мақбул нархларда хом ашё, материал ва ускуналар билан таъминлаш имкониятидан келиб чиқиб, лойиҳага ўзининг талабларини қўяди.
Инфраструктура соҳаси – турли хизматлар бозори билан боғлиқ ва лойиҳага, унинг таъминотига ўз талабларини қўяди. Бунга, рекламага, транспортга, алоқа телекоммуникацияга, информацион ва бошқа тур таъминотга бўлган талаблар киритилади.