Ўзбекистон Республикаси Молия вазирлиги

8.3. Лойиҳаларнинг турларга таснифланиши
Лойиҳаларнинг турларга таснифланиши ва бўлинмаларига мос равишда лойиҳаларни бир-биридан ажратиб турадиган бир неча хусусиятлари ва одатий шартларни ажратиш мумкин.
Улардан бири инвестицион лойиҳалардир Бу уйларни қуриш, ишлаб чиқариш корхона ва ташкилотларни қайта қуриш ёки янгиларни барпо этишга мўлжалланган лойиҳа бўлиб, улар учун қуйидагилар аниқланган ва белгиланган: лойиҳа мақсади, битимнинг муддати ва давомийлиги, лойиҳа ҳаражатлари, лойиҳанинг талаб қилинган ресурслари ва ҳақиқатдаги қиймати энг асосийси ишларнинг бажарилиш йўналиши ва ҳар бир лойиҳанинг илгарилаб боришига боғлиқ бўлади. Талаб қилинаётган қувват бу тур лойиҳалар учун босқичлар жадвали ва тайёргарлик муддати ҳамда лойиҳанинг якунланиши асосида тақдим қилиниши керак.
Илмий изланиш ва ривожланиш лойиҳалари. Янги маҳсулотни ишлаб чиқариш, қурилиш соҳасидаги изланишлар ёки янги информацион бошқарув тизимларини ишлаб чиқиш қуйидаги хусусиятлар билан характерланади. Бунда, лойиҳанинг бош мақсади аниқ белгиланган, лекин алоҳида мақсадлар хусусий натижаларга эришиши доирасида аниқланиши лозим.
Шунингдек, лойиҳанинг якунланиши ва давомийлиги муддати олдиндан аниқланиб, уларга иложи борича аниқ риоя этиш зарур, аммо уларда олинган оралиқ натижалар лойиҳанинг умумий силжиб боришига боғлиқ ҳолда тўғриланиши ҳам мумкин. Лойиҳанинг ҳаражатлар режаси одатда ажратилган ассигнациялар ва оз миқдорда лойиҳани ҳақиқатда силжиб боришига боғлиқ; асосий чеклашлар қувватлардан фойдаланиш имкониятларини чекланганлиги билан боғлиқ (ускуналар ва мутахассислар). Қоидага асосан, мавжуд қувватлар лойиҳанинг ҳаражатлари ва унинг таёргарлик муддатини аниқлаб беради.
Ташкилий масалалар. Корхонани қайта қуриш, янги бошқарув тизимининг концепцияларини реализация қилиш, янги ташкилотни тузиш ёки халқаро форум ўтказиш – лойиҳа сифатида қуйидагича характерланади: лойиҳанинг мақсадлари олдиндан аниқланган, бироқ лойиҳа натижаларини сифат ва миқдор жиҳатдан биринчи иккита ҳолатга нисбатан аниқлаш қийинроқ, чунки улар тизимнинг ташкилий жиҳатдан яхшилаши билан боғлиқ; муддат ва давомийлик тахминан белгиланади; ресурслар имконият доирасида белгиланади; лойиҳа ҳаражатлари аниқ белгиланади ва иқтисодий назоратга қўйилади; бироқ лойиҳанинг силжиб бориши юзасидан тўғриланиш (корректировка)ни талаб қилади.