Ўзбекистон Республикаси Молия вазирлиги

Инвестициялашнинг афзалликлари. Иқтисодиётни ривожланиши давлатни компаниялар, хусусий шахсларни инвестицияга ўсиб бораётган талабларини молиялаш устун даражада пул маблағларини жалб қилиш ҳолатига боғлиқ. Масалан, агар ипотека заёмлари ишонч тариқасида бўлмаганда эди, кўпчилик аҳоли уйларни сотиб олиш имкониятига эга бўлмасдилар, заём маблағларисиз уйларни қурилиши ва қурилиш материалларини ишлаб чиқаришда оз сонли ишчи банд бўлар эди. Шунинг учун, кўчмас мулкни кафолатсиз кредитлаш хажми камайса, пировардида бу мамлакатда умумий иқтисодий фаолликни пасайишига олиб келади. Бозор иқтисодиёти шароитида хусусий шахслар пулларни етказиб берувчилар давлат ва компаниялар эса уларни соф харидорлари ҳисобланадилар.
Инвестиция мукофоти. Сарфланган инвестициялардан олинган даромад ёки фойда қўйилган маблағларни қийматини ўсиши кўринишида олиниши мумкин. Масалан, банкни омонат ҳисобига жойлаштирилган пуллари мунтазам фоизлар шаклида жорий даромад беради, хусусан бўш турган ер участкаси сотиб олишга сарфланган пуллар, уни сотиб олиш ва сотиш орасидаги ўтган даврда ер участкасини қийматини ўсиши кўринишида даромад келтиради. Маблағларга муҳтож бўлаганлар кимда ортиқча пул бўлсагина жалб қилишлари мумкин ҳамда даромад ёки фойда пул етказиб берувчиларни таваккалини қоплаши лозим. Соддароқ қилиб айтганда инвестициялаш жараёни барқарор кетиши учун пул етказиб берувчилар мукофот олиши ва харидорлари эса ушбу мукофотни таъминлашлари лозим. Мукофот миқёси ва шакли қимматли қоғозлар билан тузилган битимларни хилма-хиллигига боғлиқ.
Инвестициялашда харажатлар кетма-кетлиги. Амалда инвестициялаш учун хилма-хил ёндашувлардан фойдаланилади. Улардан бири аниқ мақсадларга йўналтирилган харажатларни чуқур режалаштиришдан иборат. Иккинчиси, қарама-қарши ёндашув бўлиб ҳаракатлар тасодифидан иборат, унда қарорлар интуиция асосида қабул қилинади. Амалиётнинг кўрсатишича мақбул ёндошган пировард натижалар ҳам юқори бўлади. Шунинг учун инвестор дастлаб режа тузиши, кейин эса умумий молиявий мақсадларга мувофиқ инвестиция дастурини бажариши керак. Инвестиция дастурини амалга ошириш натижаси мўлжалланган даромадни берувчи инвестиция портфелини шакллантириши лозим.