Ўзбекистон Республикаси Молия вазирлиги

Инвестициялашни дастлабки шартлари. Пул қўйилмаларидан аввал сиз ўзингизни ҳаётий эҳтиёжларингиз бир маромда таъминланганлигига ишонч ҳосил қилишингиз лозим. Инвестицияларни мақсади – жорий пул маблағларида бўлажак эҳтиёжларини қондириш учун фойдаланишдир. Аксарият ҳолатларда сиз омонат ҳисобга нақд пулларни кўзда тутилмаган ҳолатлар пайдо бўлишини олдини олиб унча катта бўлмаган пул суммасини қўясиз. Инсон вафот этганда, касал бўлганда, меҳнат қобилиятини йўқотганда, мулкига зиён етказилганда суғурталаш таваккалчиликларидан, йўқотишлардан муҳофаза қилиш йўли тутилади. Инсонни пенсияга чиққандан сўнг етарли даромадга эга бўлишини режалаштириш ҳам инвестициянинг дастлабки шартларидан бири ҳисобланади, чунки пулни бундай сарфланиши инвестициялаш дастурини қай даражада муваффақиятли тузилганлигига боғлиқ. Ўз олдига аниқ мақсадлар қўйишдан аввал якка омонатчи пенсияга чиқиш даврида энг камида қандай натижага эришишини белгилаб олиши лозим.
Инвестициялаш мақсадларини белгилаш. Инвестор дастлабки шартларни бажариш ва молиявий вазифаларни аниқ белгилангандан сўнг, у инвестициялашни даромадлиликнинг даражаси билан боғлиқ вақтини, миқёсларни, шаклларни ва таваккалликни аниқ даражасини белгилаши лозим. Масалан, маълум йилда, ёзги дала ҳовли сотиб олишда биринчи бадал учун 15000 доллар ёки пенсияга чиқиш муддатига пенсия жамғармаси сифатида 250000 доллар жамғариш мақсадини қўйиш мумкин. Ушбу мақсадлар фақатгина умумий молиявий вазифаларга мувофиқ келишилган эмас, балки бажариладиган бўлиши лозим. Маблағ қўйиш учун дастлабки суммага эга бўлиш ва қўйилган мақсадларга эришиш қандай даромадлилик меъёри таъминлаши мумкинлиги ҳақида тушунчага эга бўлиш керак.
Молиявий дастакларни баҳолаш. Молиявий дастакни танлашдан аввал, уни қўйиш мақсади нуқтаи-назаридан баҳолаш зарур. Унинг ҳар бир молиявий дастак бўлиши мумкин бўладиган даромадлилиги ва таваккалчилиги ҳақидаги тушунчани шакллантириш керак, чунки улар ҳаммаси баҳолашни, қийматини аниқлашни талаб қилади. Баҳолаш жараёни натижаси муайян дастакни аниқ даромадлилик, таваккаллилик ва баҳоси миқёслари бўлиши лозим.