Ўзбекистон Республикаси Марказий банки

маҳсулотлари нархларининг ўсишида курилиш материалларининг 
ҳиссаси сезиларли бўлди. Бунда асосий капиталга йўналтирилган 
инвестициялар ҳажми 2017 йилнинг мос даврига нисбатан 
сезиларли даражада ошиб, мазкур инвестицияларнинг қарийб ярми 
қурилиш-монтаж 
ишлари 
учун 
сарфланганлиги 
қурилиш 
материалларига бўлган юқори талабни вужудга келтирди.
2018 йилнинг июль-август ойларида ноозиқ-овқат товарлари 
нархларининг 
ошиши 
тезлашишига 
кўмир, 
пропан, 
енгил 
автомобиллар ва канцелярия моллари нархлари ошиши ҳам катта 
таъсир кўрсатди. Жорий йилнинг биринчи ярмида инфляцион 
босимнинг пасайишига хизмат қилган импорт нархлари, иккинчи ярим 
йилликда сўмнинг алмашув курси қадрсизланиши ва чегарадош 
давлатлардан маиший техникани божсиз олиб киришга жорий 
қилинган янги чекловлар ноозиқ-овқат товарлари нархларига салбий 
таъсир кўрсатмоқда.
2018 йилнинг январь-май ойларида хизмат кўрсатиш 
соҳасидаги инфляция, асосан, коммунал хизматлар тарифларининг 
ошиши шароитида ўсиш тенденциясига эга бўлди. Хусусан, апрель 
ойида хизматлар инфляциясининг биринчи кескин кўтарилиши, 
асосан, электр энергияси ва тармоқли табиий газ тарифлари ошиши 
ҳисобига кузатилди. Май ойида ёқилғи-энергетика маҳсулотлари 
қимматлашганидан кейин иситиш ва сув таъминоти тарифлари 
оширилди. 2018 йилнинг июнь-август ойларида йиллик хизматлар 
инфляцияси динамикаси секинлашди, аммо сентябрь ойида олий 
таълим муассасаларида шартнома асосида ўқиш учун тўловларнинг 
сезиларли даражада оширилишидан сўнг у яна тезлашди. 
2018 йилда хизматларнинг умумий инфляциядаги ҳиссаси 
олдинги йилларга нисбатан ошаётганлиги кузатилмоқда. Хусусан, 

---

28 
хизматларнинг инфляциядаги ойлик ҳиссаси 2018 йилнинг январь-
сентябрь ойларида ўртача 2,5 фоиз бандини ташкил этди,
2017 йилнинг мос даврида эса ушбу кўрсаткич 1,9 фоиз бўлган. Ушбу 
тенденция тартибга солинадиган нархларнинг эркинлаштирилиши 
фонида, биринчи навбатда, ёқилғи-энергетика ва монопол 
корхоналар нархлари эркинлаштирилиши ва бозор нархлари ҳамда 
хизматлар тарифларининг бунга мос равишда тўғриланиши ҳисобига 
юз берди.