Ўзбекистон Республикаси Марказий банки

ЯИМнинг харажатлар бўйича компонентлари дефляторлари динамикаси 
(
фоизда, ўтган йилнинг мос ойига нисбатан)
Манба: Давлат статистика қўмитаси маълумотлари асосида Марказий банк 
ҳисоб-китоблари. 
Якуний 
харажатлар 
дефляторларида 
ҳам 
сезиларли 
ўзгаришлар кузатилди. Жумладан, 2018 йил бошидан давлат 
ташкилотлари харажатлари дефлятори тез суръатда ортиб бориб, 
сентябрь охирига 38 фоизгача кўтарилиши кузатилди. Бунга бюджет 
ташкилотлари ойликлари индексацияланиши, давлат секторида иш 
ўринлари кўпайиши ва бошқа харажатлар ошиши асосий омил бўлди. 
Шунингдек, ушбу даврда уй хўжаликлари харажатлари 
дефлятори динамикаси истеъмол нархлари индекси ўзгаришига 
мос бўлди. Қайд этиш жоизки, давлат ташкилотлари харажатлари 
дефлятори ошиб бориши келгусида истеъмол нархларининг ошишига 
олиб келиши тахмин қилинмоқда. 
2.2.3. Истеъмол нархлари индекси
Инфляцияни амалиётда ифодалашда кенг қўлланиладиган 
кўрсаткич истеъмол нархлари индекси (ИНИ) ҳисобланади.
2018 йилдан бошлаб Ўзбекистон Республикаси Давлат статистика 
қўмитаси истеъмол нархлари индексини ҳисоблашда ўзгармас вазн 
усулидан фойдаланмоқда. Истеъмол нархлари индекси кундалик 
истеъмол товар ва хизматлари нархларини ўзида акс эттиргани 
сабабли инфляцияни яққолроқ намоён этади. 

---

24 
Мамлакатимизда 2018 йилнинг биринчи ярим йиллигида 
нисбатан юқори инфляцион босим кузатилди, бу асосан апрель-май 
ойларида 
ёқилғи-энергетика 
маҳсулотлари 
нархларининг 
оширилиши, ўтган йилга нисбатан об-ҳавонинг нисбатан қурғоқчил 
келиши ва ўтган йилларда инфляция базасининг пастлиги билан 
изоҳланади 
(2.2.3-
расм). 
Бунда 
сўм 
алмашув 
курсининг 
мустаҳкамланиши, минтақадаги давлатлар билан савдо иқтисодий 
алоқалар жадаллашиши, шунингдек, импорт ҳисобига бозорларнинг 
ижтимоий аҳамиятга эга айрим маҳсулотлар билан тўйинганлиги 
инфляция суръати янада тезлашишининг олдини олишга маълум 
даражада хизмат қилди. 
2.2.3-
расм