Ўзбекистон республикаси мактабгача таълим вазирлиги мактабгача таълим муассасалари раҳбар ва мутахассисларини қайта тайёрлаш ва уларнинг малакасини ошириш институти “Мактабгача таълим муассасаси тарбиячиси” йўналиши 11-гуруҳ тингловчиси Юлдашева Қизлархон

КИРИШ
Мавзунинг долзарблиги: Бугунги кунда мамлакатимизда 2017-2021- йилларда Ўзбекистон Республикасини ривожлантиришнинг бешта устивор йўналиши бўйича Ҳаракатлар стратегияси асосида барча соҳа ва тармоқларда улкан ўзгаришлар амалга оширилмоқда.
Педагогик кенгаш умумтаълим муассасаси фаолиятига доир асосий масалалар коллегиал муҳокама қилинадиган, таълим муассасасида ўқув-тарбия жараёнини ривожлантириш, такомиллаштириш, унинг фаолияти билан боғлиқ барча ташкилий масалаларни мувофиқлаштириш бўйича доимий фаолият юритадиган олий орган ҳисобланади. Педагогик кенгашнинг фаолияти жамоатчилик асосида ташкил этилади.
Педагогик кенгаш ўз фаолиятида Ўзбекистон Республикасининг Конституцияси ва қонунларига, Ўзбекистон Республикаси Олий Мажлиси палаталарининг қарорларига, Ўзбекистон Республикаси Президентининг фармонлари, қарорлари ва фармойишларига, Ўзбекистон Республикаси Вазирлар Маҳкамасининг қарорларига, ушбу Низомга, бошқа норматив-ҳуқуқий ҳужжатларга, шунингдек умумтаълим муассасасининг уставига амал қилади.

Мактабгача таълим ташкилотининг педагогик кенгаши бошқаруворгани ҳисобланади. Ташкилот иш режаси ва педагогларнинг педагогик юкламасини белгилайди, Мактабгача таълим ташкилотининг таълим-тарбия жараёнини такомиллаштириш масалаларини ишлаб чиқади ва таълим дастурларини амалга ошириш натижаларини бахолайди. Боланинг қонуний вакиллари ҳамкорлиги тартибини белгилайди. Педагог ходимларнинг малакасини ошириш ва уларнинг ижодий ташаббусини ривожлантириш, илғор педагогик тажрибаларни жорий этиш масалаларини муҳокама қилади, ташкилот ходимларининг моддий ва маънавий рағбатлантириш масалаларини кўриб чиқади, раҳбар ва педагогларнинг ҳисоботини тинглайди.
Педагогик кегашга раис, унинг аъзолари, котиба сайланади. Кенгаш баённомаларини юритиш китоби ва муҳокама қилиш учун тайёрланган таҳлилий материаллар маълумотлар котибада сақланади. Кенгаш баённомалари кенгаш котибаси томонидан ёзиб борилади.
Ушбу йўналишда тегишли ҳуқуқий-меъёрий базани мустаҳкамлаш , ташкилий -амалий ишларни замон талаблари асосида олиб бориш, бу масалага кенг жамоатчиликни жалб этиш бўйича кейинги пайтда бир мунча ишлар амалга оширилаётганини таъкидлаш жоиз.
Курс ишининг мақсади: Мактабгача таълим ташкилотида педагогик кенгаш хужжатларини расмийлаштириш