Ўзбекистон республикаси маъданият ва спорт ишлари вазирлиги ўзбекистон давлат жисмоний тарбия институти андрис э. Р., ҚУдратов р. Қ

Спортча юриш ва югуриш техникасининг
хусусияти (стиль)

Спортча юриш оддий юришга нисбатан анча қийиндир. У тезкорлиги, оёқларни ерга тўғри қўйиш билан, ана шу ҳолатни вертикал ҳолатгача туриши ва қадамларни узунлиги билан фарқ қилади.

Спортча юришни асосий характери қўйидагича:
а) Ҳаракатни юқори тезлиги. Юқори малакали спортчи 20 км ли масофани соатига 15 км тезликда юради, бу оддий юришдан 3 маротаба кўпдир.
б) қадам ҳаракатини тезлиги. Спортча юрувчи ҳар минутда 210-220 қадам мусобақа қоидасини бузмасдан бажариш лозим. Ҳар бир қадам ҳаракатига 0,285-0,333 дақиқа сарфлайди.
в) қадамларни узунлиги 110 см айрим юрувчиларда 115-120 см ни ташкил этади.
г) Таянч оёқни вертикал ҳолатгача тўғри ушлаш.
д) Тос ҳаракати.
е) Қўлларни букилган ҳолда юриш йўналишига қараб ҳаракати.
Югуришда ҳам ҳаракат кенглиги ва тезлиги каттароқ. Бу югуриш тезлигига боғлиқ: қисқа масофага югуришда ҳаракат кенглиги ва тезлиги энг ката, ўта узоқ масофаларда эса энг кичик бўлади.


Спортча юришда икки қадам цикли ва
таянч ҳолатлари

Юриш вақтидаги қадамлар ва уларга боғлиқ бўлган қўл ва гавда ҳаракатлари тўхтовсиз бир хилда такрорланишига цикл ҳаракати дейилади. қўш қадам (ўнг оёқ бир қадам ва чап оёқда бир қадам) бир циклни ташкил этади.

Юриб кетаётган спортчи ҳаракати бир цикли давомида ерга бир оёғида таянган пайти (бир таянч) ҳам, ёки икала оёғида таянган пайти (икки танянч) ҳолат дейилади.
Қўш қадам давомида ҳар қайси оёқ бир гал тана учун таянч (таянч оёқ) бўлиб хизмат қилса, бир галл силкиниб олдинга ўтади (силкинг оёқ).
Оёқ ҳаракатининг ҳар даври икки фазадан иборат. Таянч даври олдинда таянч фазасидан ва орқа таянч (туртиш) фазасидан иборат.
Оёқ ҳаракатлари циклида фазалар тартиби қуйидагичадир:
Оёқ қўйиш пайти.
1. Олдинги таянч фазаси.
Таянч оёқнинг вертикал пайти. Таянч даври.
2. Кейинги қадам фазаси.
Оёқ ердан узуш пайти.
3. Кейинги қадам фазаси.
Силкинган оёқнинг вертикал ҳолати.
Ўтказиш даври.
4. Олдинги қадам фазаси.
Оёқ қўйиш пайти.