Ўзбекистон республикаси иқтисодиётининг рақобатбардошлигини белгиловчи омиллар ва улар ўзгаришининг таҳлили мундарижа

Татқиқотда қўлланилган услубларнинг қисқача тавсифи. Ўзбекистон Республикаси Президенти И.А.Каримовнинг миллий иқтисодиёт рақобатбардошлигини оширишга қаратилган қатор маъруза, асарлари ва фармонлари, макроиқтисодий барқарорликни таъминлашнинг ҳуқуқий асосларини ташкил этувчи Ўзбекистон Республикаси қонунлари ва меъёрий ҳужжатлари, Ўзбекистон Республикаси Вазирлар Маҳкамасининг Ўзбекистон Республикаси иқтисодиётининг рақобатбардошлигини таъминлаш бўйича қатор қарорлари ташкил этади. Диссертацияда илмий мушоҳада, статистик гуруҳлаш, тизимли таҳлил қилиш, қиёсий таққослаш, илмий-мантиқий умумлаштириш усуллари қўлланилган.
Татқиқот натижаларининг назарий ва амалий аҳамияти. Ушбу диссертация материалларидан Ўзбекистон Республикаси иқтисодиётининг рақобатбардошлигини белгиловчи омиллар ва улар ўзгаришини таҳлил қилиш масалаларини ишлаб чиқиш амалиётида қўлланиши мумкин. Мазкур диссертация натижаларидан Олий ва ўрта махсус ўқув юртларида «Ўзбекистон миллий иқтисодиёти», «Маркетинг», «Макроиқтисодиёт», «Рақобат ва унинг турлари», «Халқаро рақобат» каби фанлар, Ўзбекистон Республикаси иқтисодиётининг рақобатбардошлигини белгиловчи омиллар ва улар ўзгаришини ўрганишга қаратилган махсус курслар орқали бир қатор мавзуларни ўқитиш, амалий машғулотлар олиб бориш, шунингдек, мазкур муаммони тадқиқ этишга бағишланган изланишларда илмий ва услубий маълумотлар сифатида фойдаланиш мумкин.
Магистрлик диссертациясига оид илмий изланишлар республика илмий-амалий анжуманларида – “Иқтисодиётнинг инновацион рақобатбардош-лигини ошириш йўллари” ва “Ўзбекистонда иқтисодиётнинг инновацион рақобатбардошлиги таҳлили” мавзуларида эълон қилинган.
Татқиқотнинг илмий янгилиги. Иқтисодиётни модернизация қилиш шароитида Ўзбекистон Республикаси иқтисодиётининг рақобатбардош-лигини белгиловчи асосий омиллар тизими яхлит равишда таҳлил этилган бўлиб, уларнинг мазмуни қуйидагиларда ўз аксини топган:

• 
  иқтисодиётнинг рақобатбардошлигини белгиловчи асосий омиллар тизими ўзаро қиёсий таҳлил этилди;
  
• 
  бозор иқтисодиётида рақобатнинг роли очиб берилган ва уларнинг объектив зарурият эканлиги асосланган;
  
• 
  иқтисодиётнинг рақобатбардошлигини ошириш юзасидан илмий таклифлар ишлаб чиқилган;
  
• 
  инновацион иқтисодиётни кучайтириш, иқтисодиётнинг рақобатбардошлигини давлат томонидан қўллаб-қувватлаш бўйича таклифлар берилган;