Ўзбекистон республикаси иқтисодиётининг рақобатбардошлигини белгиловчи омиллар ва улар ўзгаришининг таҳлили мундарижа

§3.1.	Миллий иқтисодиётнинг инновацион рақобатбардошлигини такомиллаштириш йўллари..........................................................
57
§3.2.	Кичик бизнес ва хусусий тадбиркорликни давлат томонидан қўллаб-қувватлаш йўллари..........................................................	62
§3.3.	Иқтисодиётнинг рақобатбардошлигини таъминлашда инвестицияларнинг ролини ошириш йўналишлари ...................	69
	III боб бўйича хулоса....................................................................	75
	ХУЛОСА ......................................................................................	76
	АДАБИЕТЛАР РЎЙХАТИ........................................................	81

К и р и ш
Магистрлик диссертация мавзусининг асосланиши ва унинг долзарблиги. Бугунги кунда иқтисодиётнинг рақобатбардошлигини белгиловчи омиллар ва улар ўзгаришини таҳлил қилиш жаҳон бозорида мустаҳкам ўринни эгаллаш ва ўзининг ташқи иқтисодий фаолиятини оптималлаштириш, иқтисодиётни эркинлаштириш ҳамда миллий иқтисодиётининг рақобатбардошлигини оширишни асосий мақсадлардан бири қилиб қўйган давлатларда долзарб масалалардан ҳисобланади. Бозор иқтисодиёти шароитида миллий иқтисодиётнинг инновацион рақобатбардошлик муҳитини шакллантириш узоқ муддатли ва мураккаб жараён бўлиб, у жуда кўплаб омилларнинг таъсири остида боради. Миллий иқтисодиётни таркибий жиҳатдан қайта қуриш зарурлиги энг аввало таркибий ўзгаришларни иқтисодиётнинг устувор тармоқларида амалга ошириш, уларнинг мақсад ва вазифаларини белгилаш ҳамда ўзаро мувофиқлаштиришни тақозо этади. Бугунги кунда иқтисодиётни барқарорлаштиришга кўп укладли бозор иқтисодиётини шакллантириш, бозор инфратузилмасини янада такомиллаштириш, ишлаб чиқариш механизмини ихтисослаштириш, иқтисодий қонунлар мутаносиблигини таъминлаш орқали эришиш мумкинлиги амалда яққол намоён бўлмоқда.
“Барчамиз яхши англаб олишимиз зарурки, ишлаб чиқаришни диверсификация қилмасдан туриб, ташқи бозорларга чиқиш ва маҳсулотларимизни сотиш борасидаги экспорт дастурини амалга ошириш, валюта даромадлари тушумини таъминлаш, юқори технологияларга асосланган янги ишлаб чиқаришни ва иш ўринларини ташкил этиш, пировард натижада ўз олдимизга қўйган юксак мақсадларимизга эришиш ҳақида сўз юритиш мумкин эмас. 
Биринчи навбатда, жаҳон бозорида тенг рақобатлаша оладиган ва кейинги босқичда иқтисодий ўсишнинг, иқтисодиётни янада модернизация ва диверсификация қилишнинг локомотивига айланиши мумкин бўлган тармоқ ва корхоналарни жадал ривожлантириш ҳамда аниқ йўналтирилган ҳолда қўллаб-қувватлашни таъминлаш зарур”¹.
Юқоридаги фикр-мулоҳазалардан келиб чиққан ҳолда таъкидлаш мумкинки, Ўзбекистон Республикаси иқтисодиётининг рақобатбардош-лигини ошириш аввало иқтисодиёт таркибини мутаносиб ва самарали шакллантириш, таркибий ўзгартиришлар сиёсатини тўғри олиб боришга ҳамда рақобатбардошликни белгиловчи омиллар ўзгаришини ўз вақтида таҳлил қилиб боришга боғлиқ бўлади. Шунингдек, таркибий ўзгартиришлар борасида эришилган натижаларни кузатиб бориш ва ўз вақтида мазкур жараёнларга тузатишлар киритиш бу борадаги самарадорликни янада оширади.