Ўзбекистон Республикаси Иқтисодиёт вазирлиги

Чорвачилик йўналишида 86 та лойиҳа амалга оширилиб, 18,9 млн.доллар миқдорида маблағлар ўзлаштириш эвазига 4604 бош қорамол парвариши йўлга қўйилди ва 609 та янги иш ўринлари яратилди.
Паррандачилик тармоғида 40 та лойиҳа (6,8 млн.доллар) амалга оширилиши ҳисобига 395 минг бош парранда асрашга ташкил қилиниб, 293 та янги иш ўринлари ташкил қилинди.
Балиқчилик соҳасида 1,8 млн.доллар инвестиция ўзлаштириш ҳисобига 44 та лойиҳа амалга оширилиб, 169 та янги иш ўринлари яратилди. Натижада, 388 гектар табиий ва 13 гектар сунъий сув ҳавзаларида ҳамда 62 та бассейнларда балиқ парваришлаш йўлга қўйилди.
Асаларичилик соҳасида 300 минг.доллар инвестиция киритиш ҳисобига (режа 20 та лойиҳа) 21 та лойиҳа амалга оширилиб, 1200 та асалари уяси ташкил қилинди ва 42 та янги иш ўринлари яратилди.
Янги маҳаллий боғларни ташкил қилиш бўйича 16 та лойиҳада 127,7 минг доллар ҳисобига 50 гектар боғларни ташкил қилиш натижасида 126 та янги ишчи ўринлари яратилди.
Интенсив боғларни яратиш бўйича 11 та лойиҳада 26,9 минг доллар ҳисобига 33 гектар интенсив боғлар барпо этиш ҳисобига 35 та янги ишчи ўринлари яратилди.
Шунингдек, 11 та лойиҳада 46,7 гектар янги токзорларни барпо қилиш учун 103,0 минг доллар маблағ сарф қилиниб 52 та янги ишчи ўринлари яратилди.
Вилоятда совуткичли сиғимларни ташкил қилиш бўйича 5 та лойиҳага 845 минг доллар инвестиция киритиш ҳисобига 19 та янги ишчи ўринлари яратилди.
III. Хизмат кўрсатиш ва сервисни ривожлантириш соҳаси:
Жорий йилда хизмат кўрсатиш ва сервисни ривожлантириш дастурига асосан 1014 та лойиҳа (йиллик режа 826 та) амалга оширилиб, 61,1 млн.доллар (режа 59,4 млн. доллар) миқдорида инвестициялар ўзлаштирилди ҳамда 4599 та (режа 4417 та) янги иш ўринлари яратилди.
Мазкур Дастурга асосан аҳолига хизмат кўрсатишни янада яхшилаш ва янги хизмат турларини ташкил қилиш мақсадида 826 та лойиҳа (1071 та шохобча) амалга оширилиши, 59,4 млн.доллар инвестициялар, шундан 38,8 млн.доллар ташаббускорларнинг ўз маблағлари ва 20,5 млн.доллар банк кредитлари ўзлаштирилиши ҳисобига 4417 та янги иш ўринлари яратилиши белгилаб олинди.
Жумладан, асосий 13 та йўналиш бўйича ташкил қилинадиган шохобчалар: