Ўзбекистон республикаси қишлоқ ва сув хўжалиги вазирлиги самарқанд қишлоқ ХЎжалик институти ҳайвонлар касалликлари

ХУЛОСАЛАР

Олиб борилган илмий тадқиқотлар натижасида бизлар қуйидаги хулосаларга келдик:

-Қорамолларнинг пироплазмидиоз (тейлериоз, пироплазмоз, франсаиеллёз) касалликлари Республикамизда кенг тарқалган, трансмиссив, мавсумий протозой касаллиги бўлиб, қорамолчиликда катта иқтисодий зарар етказиб келмоқда. Бизларнинг тадқиқотларимизда қорамолларнинг пироплазмидиоз билан касалланиш даражаси ўрта ҳисобда 15-18% фоизни ташкил қилди;
-Қаромолларнинг пироплазмозини даволашда бупарвакон препарати юқори самарадорликка эга бўлсада, бироқ тейлериоз, пироплазмоз ва франсаиеллёз касалликларини аралаш кечишида унинг самарадорлиги бироз паст, шунинг учун пироплазмидиоз касалликларини аралаш шаклини даволашда икки маротаба, 72 соат оралатиб ишлатилса 100 фоизлик натижага эришилади;
-Қорамолларнинг пироплазмидиоз касалликларини (алоҳида ва аралаш шаклларини) даволашда “Ҳайвонлар касалликлари ва паразитология” кафедрасида ишлаб чиқилган тейлериозни 3-кунлик даволаш курси қўлланилса, юз фоизлик натижа олинади.
-Қорамолларнинг пироплазмидиоз (тейлериоз, пироплазмоз ва франсаиеллёз) касалликларини олдини олиш мақсадида ҳайвонларни яйлов каналарнинг актив ҳаракати даврида (апрель ойидан то август ойигача) ҳар 30-35 кунда бир маротаба полиамидин билан ишловдан ўтказилса мақсадга мувофиқдир. Бунда полиамидин ҳайвоннинг ҳар юз кг тирик вазнига 5 мл дан мускул орасига инъекция қилинади.


АМАЛИЙ ТАКЛИФЛАР.
Олиб борилган тадқиқотлар, текширишлар ва кузатувларимиз натижасида қорамолларнинг пироплазмидоз касалликларини даволаш ва олдини олиш борасида амалиётга қуйидагиларни таклиф этамиз:
-Қорамолларни пироплазмидоз (тейлериоз, пироплазмоз ва франсаиеллёз) касалликларини даволашда бупарвакон, бупарвалек препаратларини ишлаб чиқарувчи фирма томонидан тавсия этилган дозада, яъни 1 мл 20 кг тирик оғирлиги ҳисобида мускул орасига бир маротаба, оғир ҳолатларда эса 72 соатдан сўнг қайта иккинчи маротаба ўша дозада қўллаш мақсадга мувофиқдир.;
-Қорамолларниг пироплазмидиоз (тейлериоз, пироплазмоз ва франсаиеллёз) касалликларини олдини олиш мақсадида ҳайвонларни яйлов каналарнинг актив ҳаракати даврида (аперель ойининг биринчи ярмидан то август ойининг охиригача) полиамидин билан ҳар 30-35 кунда бир маротаба ишловдан бориш;
- Яйлов каналарнинг актив ҳаракати давомида ҳайвонларни ҳар 7-10 кунда бир маротаба акарацид препаратлар билан чўмилтириб борилса мақсадга мувофиқ бўлади.