Ўзбекистон республикаси қишлоқ ХЎжалиги вазирлиги тошкент давлат аграр университети андижон филиали

Тадқиқотнинг республика фан ва технологиялар ривожланишини асосий устувор йўналишларига боғлиқлиги. Мазкур диссертация Ўзбекистон Республикаси фан ва технологиялар ривожланишининг қуйидаги V «Қишлоқ хўжалиги, биотехнология, экология ва атроф муҳит муҳофазаси» устувор йўналишларига мос равишда бажарилган:
Ишнинг мақсад ва вазифалари. Мавжуд боғлардан юқори сифатли, жахон андозаларга мос, рақобатдош махсулот етиштириш давлатимизнинг хозирги кунда аграр сохада олиб бораётган сиёсатнинг бири хисобланади.
Бу сиёсатни амалга ошириш кўп жихатдан боғларда агротехник тадбирларни ўтказиш билан бир қаторда уларни зараркунандадан асраш хисобланади.
Ишнинг мақсади айнан шу масалага қаратилган бўлиб мевали дарахтларнинг ўта хавфли зараркунандаси бўлган Калифорния Қалқондорига қарши экологик хавфсиз кураш чораларини ишлаб чиқилган холда сифатли ва мўл хосилни сақлаб қолишга қаратилган.
Мазкур мақсадни амалга ошириш учун биз қуйидагиларни:
-Андижон вилояти шароитида Калифорния қалқондори тарқалиши ва зарарини олма навлари бўйича аниқлашни;
-заракунандани табиатда сонини бошқариб турувчи энтомофаг, ва антибиозларини ўрганиш ва самарали турларини ажратиб олишни:
- Калифорния қалқондорининг жинсий феромони бўйича мониторинг ўтказиш;
-Калифорния қалқондори тухумига қарши фойдали ентомофаглар бўйича тадқиқотлар ўтказишни:
­-Калифорния қалқондори личинкаларига қарши янги замонавий, атроф мухит учун таъсир доираси кам бўлган кимёвий препаратларни тадқиқот қилишни;
- юқоридаги вазифаларни бажаргандан сўнг Калифорния Қалқондорига қарши курашнинг уйғунлашган кураш тизимини ишлаб чиқишни ўз олдимизга мақсад қилиб олдик.
Тадқиқот предмети ва объекти.
Тадқиқот предмети Калифорния Қалқондори ( QUADRASPIDIOTUS PERNICIOSUS COMS.) нинг биоэкологияси ўрганган холда унинг сонини бошқариш йўлларини излаб топиш хисобланади. Тадқиқот предмети Калифорния Қалқондори , биологик хусусиятлари, Фойдали энтомофаглари, янги замонавий кимёвий воситалари, феромон тутқичлар, биологик самарадорлик, хосилдорлик.