Ўзбэкистон рэспубликаси халқ таълими вазирлиги

O‘ZBEKISTON RESPUBLIKASI XALQ TA’LIMI VAZIRLIGI
SURXONDARYO VILOYATI XALQ TA’LIMI BOSHQARMASI
Qumqo‘rg‘on tumanidagi Davlat 11-ixtisoslashtirilgan
umumta’lim maktab-internati geografiya
fani o‘qituvchisi Qo‘ziyeva Dilfuzaning
innovatsion pedagogik
loyihasi

2016 yil
Loyiha mavzusi: Geografiya fanida masala va mashqlarni yechish.
(5-sinf misolida)
Kirish
Hozirgi kunda umumiy ta’lim maktablarida geografiya fanini o‘qitish mazmuni o‘zgarib, boyib bormoqda. Uni chuqur o‘rganish uchun keng imkoniyatlar yaratildi. Fanni chuqur va atroflicha o‘rganish, mukammal egallash, ularning asosiy tushuncha va tamoyillarini anglab yetish uchun faqat nazariy bilimlarni boyitish kamlik qiladi. Nazariy bilimlarni mustahkamlash uchun o‘z-o‘zidan ayrim geografik hodisa va jarayonlarga oid mashq hamda masalalar yechish zarurati paydo bo‘ladi. Bu esa, o‘qituvchidan nafaqat fanni chuqur bilishi, balki o‘quvchilarning ruhiyati, yosh xususiyatiga asoslanib darsni modernizatsiyalashi, barcha fanlar bilan bog‘lashi, ularning aloqadorligini ko‘rsatib bera olishi lozim.
5-sinf geografiya fani maktabda geografiyadan dastlabki majmuali kurs va ko’p narsa birinchi navbatda, o‘quvchining kelajakda geografiya faniga nisbatan qanday munosabatda bo‘lishi, bu fanning 5-sinfda qanday o‘qitilishiga, o‘qituvchining o‘z faniga o‘quvchilarda muhabbat uyg‘ota olish, olmasligiga bog‘liq. Ayniqsa, nazariy olgan bilimlarini amaliyot bilan bog‘lab olib borishda ba’zi muammolar mavjud.
Muammo:
Geografiya fani o‘quv dasturida amaliy mashg‘ulotlar uchun kam vaqt ajratilganligidadir.
Bu muammoni hal qilishda o‘qituvchi har bir nazariy bilimdan so‘ng, o‘quvchilarga qisqa masala va mashqlar berib, ularda olgan nazariy bilimlarni amaliyotda qo‘llay olish ko‘nikmalari hosil qilib borishi lozim.
Loyiha maqsadi:
O‘quvchilarda o‘zlashtirgan materialini amalda qo‘llash amaliyotda qo‘llash yo‘li bilan bilimlarini mustahkamlash. Masala va mashqlar bajarish orqali fanga xos bo‘lgan raqamli ko‘rsatkichlar bilan ishlash, fikrlash va ijodiy qobiliyatlarini rivojlantirish. Tabiiy ob’ektlar va hodisalarini tahlil eta olishga o‘rgatish.