Ўзбекистон Республикаси Хал= таълими вазирлиги

Офтоб чиқди оламга
Офтоб чиқди оламга,
Югуриб бордим холамга:
-Хола, хола кулча бер!
Холам деди: Ўтин тер.
Кейин югурдим қирга,
Ўртоғим билан бирга.
Ўтин тердик бир қучоқ,
Билмадим сира чарчоқ.
Холам қордилар ҳамир,
Кулча ёпди бир тандир.
Бизга кулча бердилар,
Пешонамиздан ўпдилар.


МЕҲМОН
Толиб Йўлдош
Эшигимиз тақилласа,
Деймиз: – Меҳмон!
Ҳозирданоқ меҳмонларга
Биз – меҳрибон.
Дастурхонни ясатамиз:
«Олинг-олинг!»
Кеч кирса-ку, жилдирмаймиз:
– Ётиб қолинг.
Бизнинг уйдан доим меҳмон
Аримайди.
Бағри очиқ кишилар ҳеч
Мақоллар
Нон - асли дон.
Нон мўллиги - эл тўқлиги.
Нон емоқчи бўлсанг,
Ўтин ташишдан эринма!


12-мавзу: «Ширинсўз бўлиш»
Ибн Сино ҳақида ҳикоят
Ибн Сино: «Берган дорим шифо бўлади десанг, хато қиласан. Даво, аввало, ширин тил, ҳушмуомала, кулгу-табассум билан қилинади. Бемор қўпол бўлса, табиб мулойим бўлиши, бемор заҳар бўлса, табиб ширинзабон бўлиши, бемор ноумид бўлса, табиб умидли бўлиши, бемор ҳўмрайса, табиб кулиши керак. Табибда шулар бўлмаса, у табиб эмас, балки ўлимни яқинлаштирувчи бир кимсадир», деган экан.
Ялпиз
Зебо боғчадан келиши билан ойиси:
-Қизим, ялпиз териб келсангчи, кўк сомса қилиб берардим,-деди.
Зебо саватчасини олиб, кўчага чиқди. Ариқ лабига борди. Энди ялпиз тера бошлаган эди, дугонаси Дилдора келиб қолди.
-Нима қиляпсан?-деб сўради у.
-Ялпиз теряпман, кел, бирга терамиз.
-Ҳо, қўлим кир бўлиб қолсинми?!
Сал нарироқда ариқдан сув олаётган аёл уларнинг гапини эшитиб қолди. Пақирни ерга қўйди-да, яқин келди.
-Айланай, қизим, ялпиз теряпсанми?-деди Зебога ва саватчадан ялпиз олиб кўзига суртди. -Баҳор қандай яхши-я!
Зебо суюниб кетди...
Одоб нима Т.Йўлдош
Одоб ўзи - бир сўз, лекин
Айтаверсак тури кўп
Катта бир сўз деганида,
Дарров десак: -Лаббай, хўп
Ва бажарсак биз уларнинг
Айтганларин шу замон
Шунинг ўзи бир одобдир,
Одобсизлик - бу ёмон.


Кандай яхши
Ойимга ҳам, дадамга ҳам
Доим кулиб боқаман.
Ойимга ҳам, дадамга ҳам
Жуда-жуда ёқаман.
Йўлдан ўтган кишиларга
Салом бераман кулиб.
қани ҳамма шундай қилса,
Юрмаса қовоқ уюб.
Одамлар ҳам бир-бирига
Фақат кулиб қарашса
Соз бўларди, жанжаллашган
Амакилар ярашса.