Ўзбекистон Республикаси Хал= таълими вазирлиги

СУВНИ ҚАДРЛА Демак сув тиллога тенг, Уни қадрлай билинг! Сув бу ҳаёт дегани, Эҳтиёжга ягона. Бир ҳикмат бор қадимий: «Сувга туфлаш гуноҳдир!» Ким билса сув қадрини Обод қилар юртини!

МАҚОЛЛАР
Сув – зар, сувчи – заргар
Сувсиз ҳаёт бўлмас, меҳнатсиз роҳат
Сув ёруғлик.
Сув ўжар, инсон ундан ҳам ўжар.
34-мавзу: «Кўчада юриш одоби»


Бизнинг кўча
Ҳаммамизнинг ўз кўчамиз, ўз уйимиз бор. Кўчаларимиз чиройли. Кўчаларга дарахтлар, гуллар экилган, озода.
Кўчада юришнинг ҳам одоби бор. Одобли бола кўчада ўзини яхши тутади. қўрслик қилмайди, катталарга йўл беради, озодагарчиликни сақлайди, кўчада қўшниларга, ўзидан катталарга салом беради. Кўчада шовқин солмайди, кўчада юрибкетаётиб нон, музқаймоқ ейиш, ёмон одатдир.


Кўчада
( Ҳикоя)
Юз-қўллари, кийимлари озода, сочларини силлиқ тараган Дилноза бувижониси билан кўчага йўл олди.
Бунақа пайтларда у бувижониси билан гаплашишни яхши кўради. Бувижониси жуда кўп нарсаларни биладилар. Йўл чеккасидаги қадимги бинолар, ҳайкаллар, анҳорлар, чинорлар, ҳаммаси ҳақида қизиқ-қизиқ қилиб айтиб берадилар.
Дилноза шуларни ўйлаб бораётган эди, бир боланинг хархашаси хаёлини бўлди:
Олиб берасиз, мана шу сақични, олиб берасиз!-дерди бола.
Онаси бўлса унга нималарнидир уқтирмоқчи бўларди. Лекин бола ер тепиниб:
Унда “Snikers” олиб беринг!-дерди.
Ойиси уятдан нима қиларини билмай атрофга алангларди.
- Бувижон, деди Дилноза, -анави бола ойисини хафа қиляпти-а?
- Ҳа болажоним, бечора онасининг пули йўқдир­да,-дея бувиси норози бўлиб, бошини сарак-сарак қилди.
Мен ҳеч ҳам бунақа қилмайман, катталарни уялтирмайман-а, бувижон?
- Бувинг айлансин сендан, ўзимнинг ақлли қизимсан-да!


Мақоллар
Одобли бола элга манзур.
Саёқ юрсанг, таёқ ейсан.