Ўзбекистон республикаси халқ таълими вазирлиги мактабгача таълим муассасалари ходимларини қайта

 
Болаларни тарбиялашда оила ва мактабгача талим муассасаси 
ҳамкорлигини ошириш йўллари 
 
З.А.Раҳмонқулова 
МТМХҚТ ва УМОРЎМ М 
МТСС бўлими бошлиғи 
Мактабгача ѐшдаги болаларни ѐшига мос равишда ҳар томонлама 
ривожлантириш, мактаб таълимига сифатли тайѐрлашда ота-оналар билан 
ҳамкорликда олиб бориладиган ишлар алоҳида аҳамиятга эга.
Мактабгача таълим муассасаси педагоглари оилани боланинг илк
тарбиячиси сифатидаги устувор мавқеини эътироф этишлари жуда
муҳим. Бола муассасага келгунга қадар оила унга пиѐладан қандай
фойдаланишдан тортиб, тўп улоқтиришгача бўлган кўп нарсаларни
ўргатган ҳолда эртак эшитишдан завқ олиш кўникмасини ҳосил қилган 
бўлади. Мактабгача таълим ота-оналарга ривожланиш дастурининг барча 

---

12 
жиҳатларида иштирок этиш имкониятини берган ҳолда, оила ва боланинг 
худди шу илк муносабатлари устига қурилади. 
Оила билан ҳамкорликка асосланган амалиѐтда шакл ва жараѐнлар 
юқори турмайди, балки оилага нисбатан ҳурматли муносабатдаги 
қадриятлар, ота-оналар фикрига қулоқ солиш, улардан бола билан мулоқот 
қилиш кўникмаларини ўрганиш, улар билан ҳамкорлик қилиш истаги 
бўлади.
Бола шахсига йўналтирилган ҳамкорликдаги таълим тамойилларида 
болаларнинг оилалари билан бевосита мулоқот қилиш, у яшаѐтган муҳитни 
ўрганиш ниҳоятда муҳим эканлиги таъкидланади.
Ота-оналар ва тарбиячилар ўртасида самарали ҳамкорлик қилиш 
тамойиллари: 
 Ота-она ва тарбиячи ўртасида ўзаро самимий ҳурмат. 
 Ҳамкорликни бошлашда оила ва тарбиячи ўртасидаги мулоқот 
усулларини келишиб олиш. 
 Ўзаро келишилган доимий учрашувларни ташкил қилиш орқали 
боланинг оиласи билан яқин алоқа ўрнатиш. 
 Ота-оналарнинг тажрибасидан келиб чиқиб, уларни мактабгача 
таълим муассасасидаги турли машғулотларга жалб этиш. 
 Оилалардаги маданий хилма-хилликни ҳурмат қилиб, машғулотлар 
ва тадбирлар орқали хилма-хилликни тарғиб қилиш. 
 Оила ва боланинг кучли томонларига диққатни қаратиш.
 Ота-оналар ва тарбиячи ўртасида бола ва оилага тегишли ахборот 
алмашилганда, қатъий ишончга амал қилиш. Ҳамкорлик қилишда 
ишонч жуда муҳим ҳисобланади.
Ҳамкорликни йўлга қўйиш учун авваламбор муассаса ўз вазиятини кўриб 
чиқиши лозим ва ота-оналар билан иш олиб боришда малакавий 
мажбуриятлардан бола иқболи ва истиқболи йўлида ҳамкорлик истагига 
ўтиши лозим. Шундан келиб чиқадики, анъанавий педагог ролидан воз 
кечиб, ҳамкор педагог ролига кириш фойдалидир.