Ўзбекистон республикаси халқ таълими вазирлиги мактабгача муассасалар ходимларини қайта тайёрлаш ва

Гуруҳий иш. 
Тарбиячи: Энди, болажонлар, Том-Томчивойнинг қўл юваѐтган суратларидан
биттадан оласиз. Суратларни кетма-кетликда жойлаштириб чиқинг. Ҳар бир 
гуруҳ аъзоси кетма-кетликда ўзининг сурати ҳақида навбати билан гапириб 
беради. 
Тарбиячи: Болажонлар, сизлар қўл ювиш одобини жуда яхши билиб олдингиз. 
Келинг энди, қўл ювишни амалда бажарамиз. 
Мени диққат билан эшитинг ва кузатинг. 
1.Қўлни ювишда энг аввало кўйлак енгларини шимариб оламиз. Шунда 
кўйлагимиз енглари ҳўл бўлмайди.
2.Қўлларимизни намлаб оламиз ва совунни кўпиртириб олиб кафтларни бир-
бирига яхшилаб ишқалаймиз: Ўнг кафтингиз билан чап қўлингизнинг устини 
ишқаланг ва аксинча. 
3.Кафтларингизни бир-бирига ишқаланг, бунда қўлингизнинг бармоқларини бир- 
бирига чирмаштиринг. 
4. Бармоқларнинг устини бошқа қўлингизнинг кафтига ишқаланг, бунда 
бармоқларни қулф қилиб бирлаштиринг. 
5.Чап қўлингизнинг катта бармоғини ўнг қўлингизнинг кафти билан айланма 
ҳаракат қилиб ишқаланг ва аксинча.
6.Чап кафтингизни ўнг қўлингизнинг бирлаштирилган бармоқлари билан орқага ва 
олдинга айланма ҳаракат қилган ҳолда ишқаланг ва аксинча
7.Қўлни чайишда ҳам бармоқларимизни яхшилаб ишқалаб чаямиз. 8.Қўлларимизда 
совун кўпиги қолмаслиги керак. Чайиб бўлгач қўл қуригунча сочиққа артилади. 
Ундан кейин қўлингиз тоза бўлади.
Тарбиячи болаларга сув, совун, сочиқ ҳақида шеър айтиш билан машғулотни 
якунлаши мумкин. 
Сочиқ Қ. Абдуллаева 
Кир бўлса қўлу юзум,
Ювиб артаман ўзим. 
Миннатдорман,очиғи, 
Сендан, оппоқ сочиғим. 
Машғулот якунида болаларни рағбатлантириш 
Болалар билимларини мустаҳкамлаш учун савол ва топшириқлар: 
1.Қўлни қандай ювиш керак экан?
2. Қўл ювиш қоидаси тасвирланган суратларни кетма-кетликда тартиб билан 
жойлаштириб чиқинг ва сурат асосида гапириб беринг.