Ўзбекистон республикаси халқ таьлими вазирлиги

2.2. Дарснинг тузилиши ва уни ўтказиш тартиблари.
Жамият ва унинг ижтимоий тараққиѐти иқтисодий билим асослари фанининг объектини ташкил этади. Бу фаннинг предмети ўтмишда рўй берган воқеа-ҳодисалар бўлиб, уларни илмий, холис ўрганиш ва ўқувчига ўргатиш, умуман иқтисодий билим асослари фанини ўқитиш бугунги кунда давлат сиѐсати даражасида белгиланади.
Ўқувчиларни ижтимоий онгини шакллантиришда иқтисодий билим асослари фанининг ўрни ва аҳамияти бугун ҳар қачонгидан ҳам юқори. Шу сабабли мазкур фан ўқитувчилари дарсни замон талаблари асосида ташкил этишга алоҳида эътибор қаратиши лозим. иқтисодий билим асослари фанини ўқитишга қўйилган Давлат таълим стандартларини бажаришда дарс жараѐнини лойиҳалаш муҳим аҳамиятга эга.
Дарс жараѐнини лойиҳалашда ўқитиш методларини тўғри танлаш, яъни методларни дарснинг вазифалари ва мазмунига мослиги, ўқитувчи ва ўқувчиларнинг имкониятларига мувофиқ бўлиши талаб этилади.

Дарс - ўқитувчилар ва ўқувчилар фаолиятини ташкил этишнинг шакли бўлиб, у болаларни ўқитиш, тарбиялаш ва камол топтириш

вазифаларини амалга оширади. Дарс ўқув ишларини ташкил этишнинг асосий ташкилий шаклидир.

Д арсда ўқув-тарбия ишларининг барча компонентлари: мақсад, мазмун, воситалар, методлар, ташкил этиш ва бошқариш фаолияти ҳамда унинг барча дидактик элементлари мужассамланган .

Ўқитувчи дарснинг лойиҳасини ишлаб чиқишда қуйидаги топшириқларни кетма-кет бир бутунликда амалга ошириши керак:
1-босқич:ўқитувчи дастур, дарслик, методик қўлланма ва синф ўқувчиларининг умумий тавсифи билан танишиб чиқиши лозим;
2-босқич: дарснинг асосий вазифалари мажмуасини: ўқитиш, таълимий мақсад, тарбиявий мақсад ва ривожлантирувчи мақсадларни ва вазифаларини белгилаш;
3-босқич: дарснинг асосий босқичларини тўғри, аниқ ва изчилликда жойлаштириш;
4-босқич: дарснинг ҳар бир босқичи мазмунидаги асосий ўринли ажратиб олиш;
5-босқич: дарснинг ҳар бир қисми учун ўқитиш методларини, воситаларини, технологияларни танлаш;