Ўзбекистон республикаси фанлар академияси

ПЎЛАТОВ ҲАЙДАР ПЎЛАТОВИЧ (1928-1993). 1928 йилнинг 10 июнида Тошкент вилоятининг Чиноз туманида туғилган.

1949 й.да Тошкент юридик институтини тамомлаган. 1953 й.и Тошкентда фалсафа фанидан докторлик диссертациясини ёқлаган. Фалсафа фанлар доктори, профессор.
1949 й.дан илмий-педагогик фаолияти бошланган. 1949-1953 й.ларда Тошкент юридик институтининг, сўнг эса Москва давлат университетининг аспиранти, 1953-1955 й.ларда юридик институти давлат ва хуқуқ кафедрасининг доценти, 1955-1958 й.ларда Ўзбекистон Олий Кенгаши Президиуми Раисининг ёрдамчиси, 1956 й.дан Тошкент молия-иқтисод институти кафедра доценти, 1958-1963 й.ларда ЎзР ФА фалсафа кафедраси мудири, 1964-1967 й.ларда доцент, сўнг эса проф.. 1970-1971 й.ларда Тошкент чет тиллар педагогика институти проф.и, 1972 й.дан фалсафа кафедраси мудири, 1982-1984 й.ларда институт проректори, 1984 й.дан умрининг охирига қадар (1993 й.) ЎзР ФА фалсафа кафедрасининг мудири лавозимларида ишлаган.
Ижтимоий фалсафа, хуқуқ соҳаларида илмий тадқиқот ишлари олиб борган. Мазкур соҳаларга оид 300 дан зиёд ишлар, жумладан йирик монографиялар, рисолалар, илмий мақолалар муаллифи.
Болгария, Германия, Японияда ўтган Халқаро, Бутуниттифоқ, минтақавий, республика илмий анжуманларининг иштирокчиси.
10 та докторлик, 12 та номзодлик диссертация ишларига илмий маслаҳатчилик ва раҳбарлик қилган.
Ҳ.П.Пўлатов ЎзР ФА Фалсафа ва ҳуқуқ институти қошидаги ихтисослаштирилган илмий кенгаш, ТошДУ қошидаги илмий кенгашнинг аъзоси, фалсафа, хуқуқ, тарих бўйича эксперт комиссиясининг раиси, ЮНЕСКОнинг «Фан ва инсон эҳтиёжлари» комиссиясининг эксперти, Ўзбекистон Республикаси Президенти ҳузуридаги Вазирлар Маҳкамаси қошидаги Диний ишлар Қўмитасининг раиси бўлиб келган эди. Фаннинг ривожига ва илмий кадрлар тайёрлашдаги хизматлари учун «Ўзбекистон Республикасида хизмат кўрсатган фан арбоби» унвони, Фахрий ёрлиқ, Абу Райхон Беруний номидаги Республика Давлат мукофотига сазовор бўлган. Олим ЎзР ФА мухбир аъзоси бўлиб сайланган эди.