Ўзбекистон республикаси давлат божхона қЎмитаси

3. Тергов харакатларни режалаштириш ва тактик қоидаларига 
асосланиб ташкил этиш тушунчаси. 
Жинояи ишларини тўла очишда тергов харакатларини қатъий режа 
асосида олиб бориш катта ўрин тутади. Режа ҳамма вақт ѐзма равишда 
тузилиши лозим, бундай режа суриштирув, тергов ҳаракатларини изчил 
бўлишига олиб келади ва ходимнинг ишлари, вақти ҳам режа асосида олиб 
борилиб, барча тадбирлар белгиланган муддатда бажарилиши керак.
Дастлабки текширишнинг, суриштирув ва тергов ишларининг янада 
самарали режали олиб бориш процессуал қонунлардан, криминалистика усул 
ва услубларидан (методларидан) тўғри фойдаланишни тақазо этади. 
Режалаштириш динамик ва алоҳидалик принципи-тамоили асосида 
тузилиши лозим. Режанинг алоҳидалик принципида тузилишнинг моҳияти 
шундаки, ҳар бир конкрет ҳолатга қараб режа тузилади. 
Алоҳида турдаги, шу қатори божхона сохасига доир жиноятларни 
дастлабки текшириш режани ўзига хос хусусият асосида ишлаб чиқилган 
бўлиб, ҳамма жиноятлар учун шаблон, намунавий режа деган нарса 
бўлмасдан, балки ҳар бир содир этилган жиноят бўйича алохида режа ишлаб 
чиқилиши лозим бўлади.
Режанинг динамик асосида тузиш принципининг моҳияти шундаки, 
бунда тергов ҳарактларига асосланиб ўзгарувчан режа тузилади, яъни 
ишнинг янги очилган ҳолатларига қараб суриштирувчи, терговчи 
қўшимча ва ўзгаришлар киритиши мумкин. 
Хар бир жиноят ишини тергашдан авал режа тузилиши зарур. Хеч 
бир жиноят ишлари режасиз ўз холича олиб борилмаслиги керак. 
Тергов режани маълум босқичларга бўлиниб тузилиши ва суриштирув,
тергов харакати шу босқичларга асосланиб олиб борилади. Дастлабки 
тузилган режада хамма бажариладиган тергов харакатларни кўзда тутиш 
қийин. Чунки тергов жараѐнида янги версия гумон-тахминлар пайдо бўлиши 
мумкин ва бу тахминларни ишлаб чиқиш зарурияти туғилиши мумкин. 
Тергов харакатларни режалаштиришда асосий талаблар: 

---

- хар бир конкрет холда терговни мақсадга мувофиқ олиб бориш учун
терговнинг предметини аниқлаш: 
- тергов вазифасини бажариш мақсадида тахминларни ишлаб чиқиш; 
- тахминларни текширишни ташкил этиш; 
- иш бўйича суриштирувчи, терговчи ва тезкор ходимнинг барча 
харакатларини ташкил этиш.