Ўзбекистон республикаси адлия вазирлиги тошкент давлат юридик институти шорахметов шоакбар шорустамович

378-м о д д а. Ижро варақасини ижрога топшириш
муддатининг узилиши


Ижрога топшириш муддати агар қонунда бошқача тартиб белгиланган бўлмаса, ижро варақасининг ижрога берилиши, шунингдек ҳал қилув қарори қисман ижро қилиниши билан узилади.
Муддат узилгандан сўнг унинг ўтиши янгидан бошланади, бунда олдинги ўтган вақт янги муддат ҳисобига киритилмайди. Агар ижро варақаси тўлиқ ёки қисман ундирилмай қайта­рилса, ижро варақасини ижрога топшириш учун янги муддат­ни ҳисоблаш ижро варақаси ундирувчига қайтарилган кундан эътиборан бошланади.


1. Ижро варақасини ижрога топшириш муҳим босқич ҳисоб­ланади. Ижро варақаси ижрога берилган кундан бошлаб, ижрони ўтиш муддати узилади. Муддат узилгандан сўнг унинг ўтиши янгидан бошланади.
Агар қарздорнинг ночорлиги ёки бошқа сабабларга кўра, ижрога берилган ижро варақага асосан мол-мулк пул суммаси қисман ундирилиб, қисман ундирувчига қайтарилган тақдирда, янги муддатни ҳисоблаш ижро варақани ундирувчига қайтарилган кундан эътиборан бошланишига аҳамият бериш лозим.
2. “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 28-моддасида ҳам ижро ҳужжатини ижрога топшириш муддатининг узилиши тўғрисида ҳам алоҳида қоида берилган. Бунга кўра, ижро ҳужжатини ижрога топшириш муддатининг узилиши ижро ҳужжатини ижрога топшириш муддати:
1) ижро ҳужжати ижрога топширилганда;
2) ижро ҳужжати қарздор томонидан қисман ижро этилганда узилади.
Ижро ҳужжатини ижрога топшириш муддати узилгандан сўнг муддатнинг ўтиш даври янгидан бошланади. Муддат узилгунга қадар ўтган вақт янги муддат ҳисобига киритилмайди.
Ижро ҳужжати уни тўлиқ ёки қисман ижро этишнинг имкония­ти йўқлиги сабабли ундирувчига қайтарилган тақдирда, уни ижрога топшириш муддати узилгандан кейин ижро ҳужжати ундирувчига қайтарилган кундан бошлаб ҳисобланади.


379-модда. Ижро варақасини ижрога топширишнинг
ўтказиб юборилган муддатини тиклаш