Ўзбекистон республикаси адлия вазирлиги тошкент давлат юридик институти шорахметов шоакбар шорустамович

3. Кассация инстанцияси суди ишни тўлиқ ҳажмда текширишда асосан хусусий шикоятни қонуний ва асосли эканлигига эътибор беради.
4. Одил судловни амалга оширишга кўмаклашувчи шахслар гувоҳлар, экспертлар, мутахассислар, таржимонлар (ФПКнинг 36-моддаси) яъни ишда иштирок этувчи шахс сифатида эътироф этил­маган шахслар фақат қонунда белгиланган ҳоллардагина ажрим устидан шикоят беришга ҳақли бўлади, масалан, эксперт ўзига юклатилган вазифани бажармаганлиги учун солинган жарима бўйи­ча чиқарилган ажрим устидан хусусий шикоят берилиши мумкин. (ФПКнинг 86-моддаси).
5. Агар кассация инстанцияси суди биринчи инстанция суди­нинг ажримини бутунлай ёки қисман ўзгартиришга ёхуд бекор қилишга ҳамда масалани моҳиятан ҳал қиладиган бўлса, бу ҳақда чиқариладиган ажрим асослантирилган бўлиши лозим.
Хусусий шикоят, хусусий протест бўйича кассация инстан­цияси судининг чиқарган ажрими устидан шикоят, протест келти­рилмайди, у чиқарилиши билан қонуний кучга киради. Бундай аж­римларга нисбатан фақат назорат тартибида протест келтирилиши ва у юқори судларда кўрилиши мумкин.
39-боб. ҚОНУНИЙ КУЧГА КИРГАН ҲАЛ ҚИЛУВ ҚАРОРЛАРИ, АЖРИМЛАР ВА ҚАРОРЛАРНИНГ ҚОНУНИЙ, АСОСЛИ ВА АДОЛАТЛИ ЭКАНЛИГИНИ ТЕКШИРИШ


349-м о д д а. Пpотест келтиpиш ҳуқуқига эга бўлган
шахслаp


Ўзбекистон Республикаси барча судларининг қонуний кучга кирган ҳал қилув қарорлари, ажримлари ва қарорлари қуйидагилар келтирган протестлар бўйича назорат тартибида қайта кўрилиши мумкин:
Қорақалпоғистон Республикаси фуқаролик ишлари бўйича Олий суди раиси, фуқаролик ишлари бўйича вилоятлар ва Тошкент шаҳар судлари, Ўзбекистон Республикаси Ҳарбий суди раислари – тегишли фуқаролик ишлари бўйича туман­лараро, туман (шаҳар) судларининг, округ ва ҳудудий ҳарбий судларнинг ҳал қилув қарорлари ва ажримлари устидан ҳамда тегишинча Қорақалпоғистон Республикаси фуқаролик ишлари бўйича Олий судининг, фуқаролик ишлари бўйича вилоятлар ва Тошкент шаҳар судларининг, Ўзбекистон Республикаси Ҳарбий судининг судлов ҳайъатлари апелляция, кассация ажримлари устидан келтирган протестлар бўйича, Қорақал­поғистон Республикаси фуқаролик ишлари бўйича Олий суди, фуқаролик ишлари бўйича вилоятлар ва Тошкент шаҳар судлари, Ўзбекистон Республикаси Ҳарбий суди томонидан биринчи инстанция бўйича кўриб чиқилган ишлар юзасидан апелляция, кассация ажримлари бундан мустасно;
Қорақалпоғистон Республикаси прокурори, вилоятлар ва Тошкент шаҳар прокурорлари, Ўзбекистон Республикаси Ҳар­бий прокурори – тегишли фуқаролик ишлари бўйича туман­лараро, туман (шаҳар) судларининг, округ ва ҳудудий ҳарбий судларнинг ҳал қилув қарорлари ва ажримлари устидан ҳамда тегишинча Қорақалпоғистон Республикаси фуқаролик ишлари бўйича Олий судининг, фуқаролик ишлари бўйича вилоятлар ва Тошкент шаҳар судларининг, Ўзбекистон Республикаси Ҳарбий судининг судлов ҳайъатлари апелляция, кассация аж­римлари устидан келтирган протестлар бўйича, Қорақалпоғис­тон Республикаси фуқаролик ишлари бўйича Олий суди, фуқаролик ишлари бўйича вилоятлар ва Тошкент шаҳар судлари, Ўзбекистон Республикаси Ҳарбий суди томонидан биринчи инстанция бўйича кўриб чиқилган ишлар юзасидан апелляция ва кассация ажримлари бундан мустасно;
Ўзбекистон Республикаси Олий суди раисининг ўринбосар­лари – Ўзбекистон Республикаси Олий суди Пленумининг қарорларидан ташқари, Ўзбекистон Республикаси судларининг ҳал қилув қарорлари, ажримлари ва қарорлари устидан келтирган протестлар бўйича;
Ўзбекистон Республикаси Бош прокурори ва унинг ўрин­босарлари – Ўзбекистон Республикаси Олий суди Пленумининг қарорларидан ташқари, Ўзбекистон Республикаси судларининг ҳал қилув қарорлари, ажримлари ва қарорлари устидан келтирган протестлар бўйича;