Ўзбекистон республикаси адлия вазирлиги тошкент давлат юридик институти шорахметов шоакбар шорустамович

201-м о д д а. Суднинг ҳал қилув қарорини чиқариш учун
маслаҳатхонага кириши


Суд музокараларини эшитгач, суд ҳал қилув қарори чиқа­риш учун алоҳида хонага (маслаҳатхонага) киради, бу ҳақда раислик қилувчи суд мажлисида ҳозир бўлганларга эълон қилади.


1. Суд мажлисида фуқаролик иши мазмунан кўрилиб иштирок­чиларининг музокара сўзлари эшитилгандан кейин иш юзасидан қонуний, асосли қарор чиқариш мақсадида суд таркиби маслаҳат­хонага кирадилар.
Борди-ю, судья ишни якка тартибда кўрган ҳолларда қарор чиқариш учун алоҳида хонага кириб, тегишли суд ҳужжатини чиқаради.
Суд ҳал қилув қарори, ажрими ва қарорларини чиқаришда ало­ҳида хона (маслаҳатхона)га киришдан мақсад судьяларга ташқари­дан турли хил таъсир чораларини ўтказмаслик, унинг мустақилли­гини сақлаш, осойишта муҳитда ишда тўпланган далилларга ва суд музокарасида иштирок этган шахсларнинг тушунтиришларига, прокурорнинг фикрига атрофлича, холисона баҳо беришдан иборат.
Амалдаги қоидага кўра, алоҳида хона (маслаҳатхона)га суд таркибидан ташқари бирор бегона шахсларнинг кириши, телефонда сўзлашувлар қатъиян тақиқланади. Булардан ташқари, агар суд ҳал қилув қарори, ажрим, қарор чиқаришда суд маслаҳатининг сир сақ­ланишига доир қоидалар бузиладиган тақдирда ФПКнинг 314-мод­дасида кўрсатилганидек, процессуал ҳуқуқ нормаларининг бузили­шига бу ўз навбатида қарорларнинг бекор бўлишига асос бўлади.
Суд маслаҳатхонасига кириш учун суд мажлисининг музокара қисмида тарафлар, ишда иштирок этувчи бошқа шахслар, проку­рорнинг тушунтириши, эшитилганидан кейин киради.
Демак, ушбу қонуннинг мазмунига кўра, суд (судья) суд музо­карасида иштирок этган шахсларнинг сўзларини тинглаб бўлгач, бошқа шахслар билан мулоқада бўлмаслигини олдини олиш мақ­садида жойида ўтирган ҳолда маслаҳатхонага дарҳол кириш ҳақида ажрим чиқаради.
Судья (суд) маслаҳатхонага киришда иш учун аҳамиятли барча материалларни ўзи билан олиб кириши лозим.
Суд амалиётида фуқаролик ишларини кўришда раислик қилув­чи судья иш юзасидан қачон қарор чиқариши ва уни эълон қилиши ҳақида процесс иштирокчиларини олдиндан хабардор қилиши мумкин.