Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

Сифатни режалаш масаласи, ҳар бир иш бўйича сифат кўрсаткичлари қийматини белгилашдан иборат. Кўрсаткичлар қиймати режаланаётган давр охирида таъминланиши керак, шунингдек, шу қийматларга эришишни таъминлайдиган тадбирлар режасини амалга ошириш йўллари белгилаб чиқилади.
Сифат бўйича топшириқларни режалашда йўлнинг техник даражаси ва эксплуатация ҳолати кўрсаткичининг амалий қиймати Уф, талаб этилгани Утр дан қанчалик оғишидан келиб чиқилади.
Эксплуатация жараёнида табиий омиллар ва транспорт оқими таъсирида йўлнинг нуқсонлари кучайиб боради (4-расм).





4 – расм. Эксплуатация жараёнида йўл сифатининг ўзгариши: 1,2- табиий омиллар ва йўлдаги ҳаракатлар таъсиридаги ўзгаришлар; 3- йўл нуқсонларининг ўсиши; 4,5- сифатнинг амалдаги ва талаб этилган даражалари; 6- бошқарувчи таъсирлар зонаси.

Бу сифатнинг амалдаги даражаси- Уф пасайишига олиб келади. Уф < Утр бўлганда йўл замонавий ҳаракатлар талабига жавоб бермайди. Шунинг учун Т > Т1, онда тизимни тартибга келтириш, таъмир тадбирлари билан бошқарувчи таъсирлар ўтказиш зарурати туғилади.

Эксплуатация жараёнида, йўлнинг айрим элементлари ва иншоотларнинг сифат
даражасини ошириш ва унинг муқобил қиймати У0 ни белгилаш зарурати туғилади. Бунда мезон сифатида, нуқсонларни тузатиш учун харажатларнинг йўл ташкил этувчиси Сд дан ва транспорт ҳаражатлари ташкил этувчиси Са дан келтирилган умумий харажатлар минимал бўлиши қабул қилинади.


У0= Сд+ Са=min


Йўлни таъмирлаш ишларини қабул қилиш. Ишларни қабул қилиш қуйидаги турларга бўлинади: оралиқ (ой, чорак)-ой, чорак давомида бажарилган ишлар ҳажми ва сифати аниқланади; ёпиқ ишларни қабул қилиш- кейинги иш натижаларида аввал бажарилиб, қисман ёки буткул ёпилиб кетадиган ишлар тўғри бажарилгани текширилади; тугалланган ишларни қабул қилиш (узил-кесил қабул) – бажарилган таъмир ишлари сифати ва ҳажми билан тегишли хужжатларда кўрсатилганига мос келиш ё келмаслиги текширилади. Бажарилган ишларни молия вазирлиги ҳузуридаги Республика йўл жамғармаси техник назорат бўлими ходимлари қабул қилади.