Ўзбекистон олий ва ўрта махсус таълим вазирлиги тошкент автомобил ва йўллар институти “ЙЎЛ Қурилиши” факультети

Цементобетон қопламалардаги деформация чокларини таъмирлашда, катта ёриқларни таъмирлагандагидек технология қўлланади. Бунда компрессор, пневмо асбоблар, битум қуйгичлар ишлатилади (11.3-расм). Баъзи мамлакатларда ёриқларни эпоксид смолали қум аралашма билан ёпилади. Ғоваклар, майда ўйиқлар, плиталарнинг шўралаш жойлари, цемент ва полимербетон қоришма, суюқ шиша асосидаги қоришмалар билан тузатилади. Бетон етарли даражада қотгунича участкада транспорт қатновини тўхтатиш мумкин бўлганда, цементбетон қоришма қўлланади. Баъзи ҳолларда асфальтбетон қоришма ҳам ишлатиш мумкин.


Цементбетон қопламалари деформация чокларини таъмирлаш


Ишни ташкил қилиш принциплари. Йўлларни сақлаш ва уларни таъмирлаш ишларининг ўзига хос хусусиятлари мавжуд: хилма-хиллик (сақлашдаги оддий ишлардан тортиб то таъмирдаги энг мураккаб ишларгача); йўлдан фойдаланиш ташкилот (ТЙХПТФДК) лари (кейинги ўринларда корхона деб аталади) хизмат кўрсатадиган йўл тармоқларининг туркумлари ва иш ҳажмлари бир хил эмаслиги; объектларни ўзаро узоқлиги; грунт, гидротехник, гидрогеологик ва иқлим шароитларига боғлиқлиги; ишларнинг мавсумийлиги; корхона бўғинларининг ҳар хил моддий-техник таъминланганлиги; ресурсларнинг чекланганлиги ва х.к дан иборат.
Сақлаш ишлари характери ва ташкил этилиши билан бир-биридан фарқланади. Уларнинг меҳнат талаби ва материал ҳажми катта, механизацияси эса кам бўлиши мумкин. Айни вақтда, сақлашга боғлиқ шундай ишлар борки, ҳар қандай иқлим ёки бошқа шароитлардан қатъий назар зудлик билан бажариш лозим.
Ихтисослашиш - ҳар бир ишчи бажариши лозим бўлган иш турларини қисқартириш, ишларни бажаришда кўникма бўладиган усулларни қўллаш, меҳнат унумини ошириш, сифатни яхшилаш имконини беради.
Маълум иш турлари йиғилиб қолса, мавсумий ихтисослаштирилган бригадалар тузилади, масалан, чуқурчали таъмир, қор уюмларини йўқотиш каби ишлар бўйича. Баъзи ҳолларда (тоғ довонларида) йўл участкаларини муайян таъмирловчи ишчига бириктириб қўйиш тажрибаси ҳам бор.