Ўзбекистон миллий университети ҳузуридаги илмий даражалар берувчи dsc

II BOB. DAVLATNING AXBOROT SIYOSATI – MILLIY XAVFSIZLIKNI TA’MINLASH OMILI

Ma’lumki, xavfsizlikni ta’minlash milliy davlatchilikning asoslarini mustahkamlashda zarur jihat bo‘lib, jamiyatning kelajak taraqqiyoti bevosita ushbu omil bilan belgilanadi. Xususan, bugungi globallashuv sharoitida axborot omilining etakchi o‘ringa chiqayotganligi, ijtimoiy-madaniy hayotni axborot omilisiz tasavvur etib bo‘lmaydigan bir davrda davlatning bu borada olib borayotgan siyosatini tadqiq etib, milliy taraqqiyot ta’minlanishiga xizmat qiluvchi taklif va tavsiyalarni ishlab chiqish muhim. Bunda axborot makonida milliy manfaatlarni himoya qilishning ob’ektiv zarurati, bu - jamiyat taraqqiyoti va fuqarolar birligini ta’minlashda zarur omil ekanligi kabi qarashlarni ilgari surish bugungi kunning asosiy masalalaridan biridir. Bu borada, ayniqsa mamlakatimiz va xorijda tadqiqot olib borayotgan olimlarning konseptual qarashlariga tayanish, ishning siyosiy ahamiyatini ta’minlaydi.

Bugungi globallashuv sharoiti geosiyosiy raqobatni ham vujudga keltirib, bu axborot maydonida o‘zining yaqqol ifodasini topdi. Bunday raqobatning OAV orqali avj olayotganligi davlatning axborot siyosatiga ham u yoki bu tarzda ta’sir ko‘rsatib, bu borada samarali faoliyat olib yuritishini taqozo etmoqda. Ushbu jihat davlatning axborot xavfsizligini ta’minlashda maqbul usul va vositalardan foydalanish lozimligini ko‘rsatib, milliy davlatchilik va jamiyatning kelajak taraqqiyoti bevosita ushbu omilga bog‘liqligini ko‘rsatadi. Bunday faoliyatni ta’minlashda davlat hokimiyati organlari o‘ziga xos mavqe kasb etib, umumiy xavfsizlik va barqarorlikni ta’minlashda ushbu omilning o‘rni shubhasiz. SHu bois, davlatning axborot siyosatini tadqiq etish dolzarb hisoblanadi.