«Ўзбекистон давлати ва ҳУҚУҚи асослари» (8-синф) дарслиги бўйича саволлар ва жавоблар

Давлатнинг ташқи функцияларига нималар киради?

Жавоб: Давлатнинг ташқи функцияларига маданий алоқалар; халқаро иқтисодий фаолият; хорижий мамлакатлар билан сиёсий алоқаларни йўлга қўйиш; ташқи хавф-хатардан мудофаа; тинчлик ва осойишталикни таъминлаш; хорижий мамлакатлар билан маданий алоқалар киради.
Давлатнинг ташқи функцияларини бошқа давлатлар билан ўзаро муносабатлар олиб бориш белгилайди.

27. 
    Мустақил давлатнинг жаҳон ҳамжамияти томонидан тан олиниши омилларини айтиб беринг.
    

Жавоб: Давлат жаҳондаги бошқа давлатлар билан турли алоқаларни йўлга қўйганда мазкур давлат жаҳон ҳамжамияти томонидан тан олинади
Бирор давлат жаҳон ҳамжамияти томонидан тан олиниши учун дипломатик алоқалар,савдо-сотиқ алоқалари,маданий алоқалар ва ҳарбий алоқаларни ёълга қўймоғи даркор.

28. 
    Давлатлар қайси асосларга кўра турларга бўлинади?
    

Жавоб: Давлат: бошқарув шакли; ҳудудий тузилиши; сиёсий тартиб (режим)га кўра турларга бўлинади

29. 
    Бошқарув шаклига кўра давлатлар қандай турларга бўлинади?
    

Жавоб: Бошқарув шаклига кўра давлатлар: монархия ва республика турларига бўлинади.

30. 
    «Давлат шакллари» деганда нимани тушунасиз?
    

Жавоб: «Давлат шакллари» дейилганда давлатнинг бош қарув, ҳудудий тузилиши ва сиёсий тартиби жиҳатидан қандай шаклларга бўлиниши тушунилади.

31. 
    «Давлат бошқарув шакллари» деганда нимани тушунасиз?
    

Жавоб: «Давлат бошқарув шакллари» дейилганда, давлат ҳокимияти, унинг идораларининг аҳоли билан ўзаро муносабатлари, аҳолининг ушбу идораларни шакллантиришда иштирок этиш даражаси тушунилади.

32. 
    Давлат бошқарувининг монархия шаклининг белгиларини айтиб беринг.
    

Жавоб: Монархия – олий ҳокимият якка ҳоким – давлат бошлиғининг қўлида бўлган давлат бошқарув шакли. Бунда ҳокимият аксарият ҳолларда яккаҳоким (монарх)нинг фарзандларига, айрим ҳолларда эса яккаҳокимнинг қарорига кўра бошқа шахсга мерос бўлиб ўтади.
Монархия – юнонча сўз бўлиб, якка ҳокимлик маъносини билдиради.
Монархиянинг асосий белгилари қуйидагилардан иборат: монарх давлатни шахсийлаштиради, ташқи ва ички сиёсатда давлат; бошлиғи сифатида майдонга чиқади; монарх давлатни якка ўзи бошқаради; монарх ҳокимияти муқаддас ва илоҳий деб эълон қилинади; монарх ўз фаолиятида мустақилдир; ҳокимиятни ўрнатиш, қабул қилишнинг алоҳида тартиби мавжуд; умрбод бошқарув; монарх ўз бошқарувининг натижаси учун юридик жиҳатдан жавобгар эмас.

33.