ҲУҚУҚбузарликлар профилактикаси, Қонунийлик ва осойишталикни таъминлаш чоралари режа

ҲУҚУҚБУЗАРЛИКЛАР ПРОФИЛАКТИКАСИ, ҚОНУНИЙЛИК ВА ОСОЙИШТАЛИКНИ ТАЪМИНЛАШ ЧОРАЛАРИ


Режа:
1. Ҳуқуқбузарликлар профилактикаси тушунчаси ва турлари
2. Ҳуқуқбузарликлар профилактикаси тизимидаги ислоҳотлар ва уларнинг натижалари
3. Секторлар кесимида ҳуқуқбузарликларнинг профилактикасини ташкил этиш
3.1. Секторларнинг ҳуқуқий мақоми ва ҳудудларни ривожлантириш ва ҳуқуқ-тартиботни сақлашдаги ўрни
3.2. Секторлар кесимида ҳуқуқбузарликлар профилактикасини ташкил этиш

1. ҲУҚУҚБУЗАРЛИКЛАР ПРОФИЛАКТИКАСИ ТУШУНЧАСИ ВА ТУРЛАРИ
Ўзбекистонда жиноятчиликка қарши курашишнинг ўзига хос тажрибаси шаклланган. Бунда БИРИНЧИ ГАЛДА жиноятларнинг профилактикасига алоҳида эътибор берилади. Таъкидлаш лозимки, бу борада махсус профилактик тизим яратилган.


Ҳуқуқбузарликларнинг самарали профилактикасини амалга ошириш давлат органлари, шу жумладан ҳуқуқни муҳофаза қилувчи, маҳаллий давлат ҳокимияти органлари, бошқа давлат ташкилотлари, шунингдек хўжалик бошқаруви органларининг устувор вазифаси этиб белгиланган.


Ҳуқуқбузарлар профилактикасига оид қатор қонунлар қабул қилинган:

• 
  “Ҳуқуқбузарликлар профилактикаси тўғрисида”ги;
  
• 
  “Вояга етмаганлар ўртасида назоратсизлик ва ҳуқуқбузарликларнинг профилактикаси тўғрисида”ги;
  
• 
  “Хотин-қизларни тазйиқ ва зўравонликдан ҳимоя қилиш тўғрисида”ги;
  
• 
  “Одам савдосига қарши курашиш тўғрисида”ги;
  
• 
  “Экстремизмга қарши курашиш тўғрисида”ги;
  
• 
  “Терроризмга қарши кураш тўғрисида”ги;
  
• 
  “Жазони ижро этиш муассасаларидан озод қилинган айрим тоифадаги шахслар устидан маъмурий назорат тўғрисида”ги;
  
• 
  “Психиатрия ёрдами тўғрисида”ги;
  
• 
  “Аҳолининг санитария-эпидемиологик осойишталиги тўғрисида”ги
  

ва бошқа қонун қонунсоти ҳужжатлари қабул қилинган бўлиб, мазкур қонунлар давлат органлари, шу жумладан ҳуқуқни муҳофаза қилувчи, маҳаллий давлат ҳокимияти органлари, бошқа давлат ташкилотларининг ҳуқуқбузарликлар профилактикасига оид фаолиятини белгилаб беради.
***