ҲУҚУҚбузарликлар профилактикаси, Қонунийлик ва осойишталикни таъминлаш чоралари режа

ХОТИН-ҚИЗЛАРГА НИСБАТАН ТАЗЙИҚ ВА ЗЎРАВОНЛИКДАН ҲИМОЯ ҚИЛИШ ТИЗИМИ. Ҳуқуқбузарликлар ҳақида сўз юритар эканмиз, хотин-қизларга нисбатан тазйиқ ва зўравонлик ва гендер тенглигига нисбатан тоқатсизлик ҳолатлари ҳам мавжудлигидан кўз юмолмаймиз. Бу борада “Хотин-қизларни тазйиқ ва зўравонликдан ҳимоя қилиш тўғрисида”ги қонун ва бошқа бир қатор муҳим ҳужжатлар қабул қилинган.
Хотин-қизлар ўртасида ҳуқуқбузарликларнинг барвақт олдини олиш ҳамда оилаларда соғлом турмуш тарзини қарор топтириш борасида 2021 йилда бир қатор ишлар амалга оширилган:
– 6 610 нафар хотин-қизларнинг ишга жойлашишида, 6 976 нафарига моддий ва ижтимоий ёрдам берилишида, 1 547 нафарини тиббиёт диспансерларига юборилишида, 1 653 нафарига шахсини тасдиқловчи ҳужжатларни қайта тиклашда, 2 398 нафарига тадбиркорлик фаолиятини йўлга қўйишда амалий ёрдамлар кўрсатилди;
– оғир ижтимоий аҳволда қолган, шу жумладан оилавий муаммолар ва турмушида зўрлик ишлатилишига дуч келган 328 нафар хотин-қизлар Аёлларни реабилитация қилиш ва мослаштириш марказларига жойлаштирилди;
– ижтимоий муаммолари ҳал этилиши натижасида соғлом турмуш тарзига ўтган 17 296 нафар, шу жумладан 624 нафар вояга етмаган қизлар, 3 605 нафар ёш (18-30 ёш) хотин-қизлар, 520 нафар илгари судланган аёллар ички ишлар органлари ҳисобидан чиқарилди;
– “ҳимоя ордери” расмийлаштирилган 39 343 нафар нафар хотин-қизларнинг оилаларида олиб борилган профилактик ишлар натижасида 20 769 та оила яраштирилди, 15 142 та оилаларда низолари бартараф этилди, шунингдек, уларнинг қонуний ҳақ-ҳуқуқларини тўлиқ таъминлаш мақсадида, тазйиқ ўтказган ва (ёки) зўравонлик содир этган 2 229 нафар шахслар ҳимоя ордери талабларини бажармаганлиги учун маъмурий жавобгарликка тортилди.
Айнан мазкур масала билан шуғулланувчи, аёлларнинг дарду-ташвишларини тушунадиган, уларга ҳуқуқий, психологик маслаҳат бера оладиган 335 нафар аёл-инспекторларининг фаолияти йўлга қўйилган. Лекин бу билан хотин-қизларга нисбатан тазйиқ ва зўравонликлар дарҳол кескин камаяди дейишга эрта нега деганда бу борада аввало ижтимоий онгни ўзгартириш керак. Бу эса осон ва тез бўладиган иш эмас. Аммо муҳим тизим йўлга қўйилди. Ушбу тизимнинг самарадорлиги ортиб бораверади.