Ўзбекистон давлат консерваторияси “Тасдиқлайман”

Нутқ қобилияти - нутқ ёрдамида, шунингдек, имо-ишора воситасида ўз бадиий фикр ва туйғуларини аниқ ҳамда равшан ифодалаш қобилияти.
Огоҳлантириш - номаъқул ҳатти-ҳаракатларнинг олдини олиш учун қўлланиладиган восита.
Одат – жамоадаги ички муносабатларни тартибга солувчи мезон ва анъаналар мажмуаси.
Одоб - хулқ-атвор, юриш-туриш маданиятининг ташқи жиҳатини ифодалайди.
Педагогик жараён - маълум бир мақсадга йўналтирилган, катталарнинг педагогик фаолияти таъсирида ташкилий шакллантирилган, мазмунан бойитилган ҳамда тарбиянинг йўналтирувчи ва олиб борувчи раҳбарлик роли натижасида боланинг ўз-ўзини тараққий эттиришидир.
Педагогик фаолият — педагогик жараёнда тарбия, ривожлантириш ва ўз-ўзини тарбиялаш, шунингдек, ўзини эркин ифодалаш учун танлаш имкониятига эга бўлишини таъминловчи касбий фаолиятдир. Педагогик фаолиятнинг асосий муаммоси – ўқитувчининг талабларини ўқувчиларнинг имкониятлари, истаклари ва мақсадлари билан уйғунлаштиришдир.
Педагогиканинг қисмлари – 1) Педагогиканинг умумий асослари; 2) Таълим ва ўқитиш назарияси (дидактика); 3) Тарбия назарияси; 4) Мактабшунослик (ўқитиш, тарбиялашни ташкил этиш ва бошқариш).
Педагогиканинг тармоқлари - умумий педагогика, педагогика тарихи, халқ педагогикаси, мактабгача педагогика, мактаб педагогикаси, олий ва ўрта махсус педагогикаси, катталар педагогикаси, хусусий педагогика ёки фанлар услубиётлари (мас. мусиқа педагогикаси ва методикаси), махсус педагогика ёки дефектология; а) сурдопедагогика (кар ва соқовлар учун), б) тифлопедагогика (кўзи ожизлар учун), в) олигофренопедагогика (ақли заифлар учун).
Педагогик маҳорат — шахснинг хоссалари комплекси бўлиб, ўқитувчининг касбий ўзини-ўзи тасарруф этишининг юқори даражаси. Педагогик маҳоратни ривожлантиришнинг асоси чуқур билимлар ва касбий йўналганлик бўлиб, унинг муваффақиятлилиги педагогик қобилиятларга боғлиқ, унга яхлитлик бағишловчи воситалар, ўқитувчининг касбий фаолияти натижадорлиги педагогик техника соҳасидаги малакаларни ташкил этади.