Ўзбекистон давлат консерваторияси “Тасдиқлайман”

Ирсийлик - ёшларга ота-оналари томонидан ўтадиган мусиқий лаёқат ва қобилиятлардир.
Ихтисос (мусиқада) - инсоннинг ҳосил қилган мусиқий билимлари ва амалий кўникмаларининг мажмуи. Кишига турмушининг моддий ва маънавий соҳасида муайян мусиқий фаолиятни амалга ошириш имкониятини беради.
Инсонпарварлик — мусиқа таълими тамойили, унинг асосида инсоннинг ўзини такомиллаштиришга қаратилган мусиқий имкониятлари, қобилиятлари, эътиқодини эркин намоён этиши масаласи ётади. Ҳозирги даврда у мусиқа педагогикасининг асосий тамойилларидан биридир.
Касбий малака — мусиқа педагогикаси йўналишида меҳнат фаолиятини амалга оширишга имкон яратувчи ходимнинг касбий тайёргарлиги даражаси.
Кўникма - малаканинг таркибий қисми бўлиб, мусиқий ижро ҳаракатининг айрим қисмларини ниҳоятда тез, аниқ ва мақсадга мувофиқ равишда ўз-ўзидан бажарилиш қобилиятини ифодалайди ва талабаларда кўп марта такрорланадиган мусиқий ижро машқлари натижасида юзага келади.
Маданият — жамият ривожланишининг турли шакл ва кўринишларда, ўзаро муносабатларда, шунингдек, яратиладиган моддий ва маънавий неъматларда ифодаланадиган ижтимоий даражаси.
Мусиқа маданияти – мусиқа ижоди, ижрочилиги, тарихи, фольклористикаси ва этнографиясини, жамиятнинг тингловчилик имкониятлари ва кўламини ўз ичига олган маданият.
Маданиятлараро ўзаро таъсир — стереотип хулқ-атвор орқали бир вақтнинг ўзида табиий ва ижтимоий жараёнлар билан шартланган, бир-бирига ўзаро таъсир этувчи маданиятлар таъсири.
Маданият одами — эркин, юксак маънавиятли, инсонпарвар шахс, ўзини-ўзи ижодий тасарруф этишга, ўзини-ўзи ахлоқий бошқаришга ва ўзгарувчан шароитларда мослашишга (адаптациялашишга) қодир шахс.
Маданий мерос - авлодлар томонидан яратилган амалий тажриба, ахлоқий, илмий, тафаккурий, диний ва руҳий қарашлар, халқ мусиқа маданияти ва ижоди каби моддий ҳамда маънавий бойликлар мажмуи.
Малака - онгли равишда бажариладиган мусиқий ижронинг бир хил, кўп марта такрорланадиган, автоматлашиб кетган таркибий элементидир.