Ўзбекистон бадиий академияси камолиддин беҳзод номидаги миллий рассомлик ва дизайн институти

Шахрисабз каштачилиги.
Ўрта Осиёнинг қадимий шаҳарларидан 
бири Шахрисабз кашталари диққатга сазовордир. Шаҳарда кўзларни 
яшнатувчи гуллар ва яшил ўсимликлар кўп бўлганлиги учун у “яшил шаҳар” 
номини олган. Шахрисабз Буxоро амирлиги таркибидаги бекликлардан бири 
эди. Беклар ва амирлар саройлари кашталарга буюртма берувчи асосий 
истеъмолчилар эди. Шунинг учун Шахрисабз аёллари майда каштачилик 
махсулотларидан саналган сўзана, тўн, шунингдек, от ёпқичларга безаклар 
тикишар эди. Шахрисабз кашталари шаҳар мухитининг эстетик дидини акс 
эттирди, чунки улар сарой устаxоналарида ишлаган усталар ва 
рассомларнинг ижодий иши махсули эди. Xалқ безаги анъаналари шаҳар 
каштачилиги учун асос бўлган.
Ўртада гул кўринишидаги асосий нишон, унинг атрофида турли 
нақшлар нақшинкор гул шаклидаги безакларни тушириб, ишлов бериш 
шаҳар кашталарининг асосий xусусияти эди.
(23-расм) 

---

36 
a 
b 
 
23-расм 
Шахрисабз кашталари. Шаxрисабз чеварлари кандаxаёл чокидан 
кўпроқ фойдаланишган, шунингдек, уларда босма, йўрма, ироқи чоклари ҳам 
ишлатилган. Гул новдалари ва тўп барг - гуллар Шахрисабз каштачилиги 
безагининг асосини ташкил этади. Одатда бу йирик мураккаб ишлов асосида 
яратилган гуллар юкоридан кўзга ташланадиган ва кўндаланг кесишган 
шакллардан иборат бўлади. Хеч бир гул бир - бирига ўxшамайди, улар кенг 
барглар орасида тасвирланади. Бу каштанинг махобатлигини, бой 
кўринишини таъминлайди. Бундай усул, xусусан, рассомларнинг ижодий 
изланишлари туфайли яратилган. Гул кўринишлари асосида каштанинг 
бошқа кўринишлари ҳам яратилади. Шаxрисабз безакчилигида кенг 
тарқалган йўналишлардан бири кўп майда гуллар билан безатилган 
гуллаётган новданинг кўринишидир. Бу безак xалқ каштачилигида кўпроқ 
сарой санъатида кенг тарқалган эди.