Ўзбекистан темир йўллари

«№_____ буйруқ бекор қилинади. ___ соат ____ минутдан бошлаб __________ перегонда (перегоннинг _____ йўлида) поездлар ҳаракати ____________ (сигнализация ва алоқа воситаси кўрсатилади) орқали тикланади».


Кўрсатилган вақтдан бошлаб станциялар поезд диспетчерининг буйруғида кўзда тутилган алоқа турига ўтадилар.
Бир йўналишда ҳаракатланиш учун автоблокировка билан жиҳозланган икки йўллик перегонларда автоблокировка фаолиятини тиклаш хақидаги буйруқ перегон тўғри йўналишда жўнатилган поездлардан бўшатилмасдан берилиши мумкин.


294. Тўлиқ сутка давомида ишламайдиган алоҳида пунктлар ёки ёрдамчи постларни очилиши ёки ёпилиши ДАТК ташишларни ташкил қилиш бошқармаси бошлиғи томонидан тасдиқланадиган тартибга биноан амалга оширилади ва перегонни чегараловчи станцияларга узатиладиган поезд диспетчерининг қуйидаги шаклдаги буйруғи билан расмийлашгирилади:


«____ км да пост фаолияти ___ соат ___ минутдан бошлаб очилади (ёпилади)».


295. Электр тягали участкаларда поезд диспетчери энерго-диспетчер билан ҳамкорликда иш юритиши ва электр таъминоти қурилмаларини нормал ишини таъминлаш чораларини кўриши лозим.
Контакт тармоғи шикастланганда, тяга подстанциялари ўчирилганда ёки уларнинг қуввати камайганида энергодиспетчер билан биргаликда поездларни участкалардан ўтказишни энг мақбул тартибини белгилаш лозим.
Яхвонлик даврида энергодиспетчернинг буюртмаси бўйича контакт тармоғидаги музни юқори кучланишли ток билан эритиш учун поезд диспетчери ҳаракат графигида «окно»лар тақдим этади.


296. Поезд диспетчерлик алоқасининг носозлигида поездлар ҳаракати поезд диспетчерининг иштирокисиз амалга оширилади. Поездлар ҳаракати тўғрисида алоқа бевосита станциялар навбатчилари ўртасида амалга оширилади.
Поезд диспетчерлик алоқасининг носозлигида поезд диспетчери ва станция навбатчилари диспетчерлик фармойишлари журналига тегишли ёзувларни киритадилар.
Поезд диспетчерлик алоқаси тикланганини поезд диспетчери барча станциялар умумий циркуляр буйруқ билан маълум қилади.


297. Ташишларни ташкил қилиш бошқармаси ходимларининг лавозими штатлар жадвалида белгиланмаган кам фаолиятли участкаларда поезд диспетчерларининг иш тартиби ДАТК раиси томонидан белгиланади.