Ўзбекистан темир йўллари

«№____ поезд нотўғри йўл бўйлаб __ соат__ минутда ўтди. Пост ДСП си ______ ».
Олиб қўйиладиган ҳаракат бирликларини бир томонлама тўсиқ қўлланадиган, бир томонлама блокировкалик икки йўллик электрлаштирилган участкаларда регулировка тартибида нотўғри йўлдан поезд жўнатилишини поезд диспетчери олдинроқ энергодиспетчер билан келишиши шарт. Бундай участкаларнинг рўйхати ДАТК раиси томонидан белгиланади.
Икки томонлама блокировка билан, шунингдек, локомотив светофорлари сигналларига асосан нотўғри йўлдан поездларнинг ҳаракатини таъминлайдиган қурилмалар билан жиҳозланган икки йўллик перегонларда поездлар нотўғри йўлдан поезд диспетчерининг оғзаки кўрсатмаси ва блокировка тегишли йўналишга ўтказилгандан сўнг жўнатилади.


288. Фақат тўғри йўл бўйлаб ҳаракатланаётган поездлар учун автоматик қурилмалари бўлган переездлар, шунингдек, тутувчи берк йўлларга эга бўлган перегонларнинг рўйхати ДАТК раиси томонидан белгиланади, бунда ушбу перегонларга поездлар нотўғри йўлдан жўнатилганда ҳаракат хавфсизлигини таъминлаш учун кўриладиган зарур чоралар ҳам кўрсатилади. Ушбу буйруқда ҳар бир жўнатилган поезд тўғрисида переезд навбатчиларини хабардор қилиш тартиби кўзда тутилиши лозим. Поезд локомотивлари, махсус ўзи юрар ҳаракат таркибининг машинистлари ва бошқа алоқадор ходимлар буйруқ билан таништирилишлари керак.
Регулировка тартибида нотўғри йўлдан жўнатилаётган поезд машинистлари бир томонлама автоматик қурилмалар билан жиҳозланган переездлардан: битта навбатчи ходим хизмат кўрсатадиганларидан – 40 км/соат дан ортиқ бўлмаган, навбатчи ходим хизмат кўрсатмайдиганларидан эса – 25 км/соат дан ортиқ бўлмаган тезликда ўтишлари шарт. Переезддан етакчи локомотив ўтганидан кейин, машинист ҳаракат тезлигини ошириш, ҳаттоки ушбу перегон учун белгиланган миқдоргача ошириш хуқуқига эга.


289. Поезд нотўғри йўлдан етиб келганлиги хақида станциядан хабар олингандан сўнг поезд диспетчери перегондаги нормал ҳаракатни қуйидаги шаклда буйруқ узатиб тиклайди: