Ўзбекистан темир йўллари

«Сиз томондан охирги бўлиб №___поезд етиб келди. Сиз томонга охирги бўлиб №____поезд жўнатилди. Перегон бўш. Телефон алоқасига ўтаман. ДСП____».

Кўп йўлли перегонларда бир йўлли ҳаракат қоидалари бўйича йўлларнинг бири бўйлаб ҳаракат амалга оширилганда, станция навбатчилари шунга ўхшаш телефонограммалар билан алмашадилар.

Б. Икки йўллик перегонларда

Ушбу йўналишдаги йўл тўғри ҳисобланган станциянинг навбатчиси, автоблокировканинг носозлигини аниқлагандан сўнг, қўшни станция навбатчисидан автоматик блокировка бўйича жўнатилган сўнгги поезднинг етиб борганлиги тўғрисида поезд телефонограммаси билан хабарнома беришини талаб қилади ва хабарномани олгандан сўнг, бу станцияга қуйидаги мазмунда телефонограмма жўнатади:


«__________перегонда _____ йўлдаги автблокировка ишламаяпти. Поездларнинг ушбу йўлдаги ҳаракати телефон алоқаси орқали ўрнатилади. ДСП____».


Икки йўллик перегоннинг иккинчи йўли бўйлаб автоблокировканинг амал қилиши тўхтаган ҳолатларда ҳам телефон алоқасига ўтиш шу сингари амалга оширилади.

АВТОБЛОКИРОВКА БЎЙИЧА ҲАРАКАТНИ ТИКЛАШ

45. Поезд диспетчерлик алоқаси узилганда автоматик блокировка бўйича ҳаракатни тиклаш қуйидаги тартибда амалга оширилади:

А. Бир йўллик перегонларда

Автоблокировканинг носозлиги бартараф этилиб, кўрик журналида бу тўғрида ёзув бўлса, станция навбатчиси қўшни станцияга қуйидаги телефонограммани жўнатади:


«_______станциялар орасидаги автоблокировка носозлиги бартараф этилди. Сиз томондан охирги бўлиб № _____ поезд етиб келди. Сиз томонга охирги бўлиб №____ поезд жўнатилди. Автоблокировка бўйича поездлар ҳаракатини тиклашни сўрайман. ДСП____».


Қўшни станциянинг навбатчиси, перегоннинг бўшлигини текширгандан сўнг қуйидагича жавоб беради: