Ózbekistan respublikasí joqarí HÁm orta arnawlí bilimlendiriw ministrligi

1795-jılǵı konstituciya hám birinshi direktoriya. 1795-jıldıń avgustında Konvent jańa Konstituciya qabıl etti, ol Franciyada respublika dúzimin bekkemledi, biraq ulıwmalıq saylaw huqıqın biykar etti. Endi nızamshılıq Hákimiyat eki palatadan – Bes júzler Keńesi hám Aqsaqallar Keńesinen ibarat bolǵan nızamshılıq korpusına berildi. Atqarıwshı Hákimiyat Aqsaqallar kenesi tayınlaytuǵın, bes adamnan ibarat Direktoriyaǵa tapsırıldı.

Jańa konstituciya monarxiya tárepdarların qutırtırıp jiberdi hám olar Konventtı tarqatıp jiberiwge urınıp kórdi, biraq áwmetsizlikke ushıradı. Arteleriya járdeminde qozǵalańshılardı jeńgen general Bonapart Konventtıń qutqarıwshısına aylandı. Bul waqıyadan soń onı birden diviziya generalı dárejesine kóterdi hám “Franciyanıń ishki áskeriy kúshleri kapitanı” etip tayınladı.