Ózbekistan respublikasí joqarí HÁm orta arnawlí bilimlendiriw ministrligi

Revolyuciyanıń juwmaqlanıwı. Ullı francuz burjuaziyalıq revolyuciyasınıń tariyxıy áhmiyeti. 1795-jıldaǵı xalıq qozǵalańları. Revolyuciyalıq ózgerisler tamamlandı. Konvent deputatların endi xalıqtıń ahwalı qızıqtırmaytuǵın edi. 1795-jıl Parijliler eki márte Konventke tásir ótkeriwge urınıp kórdi. Parij átırapında narazılıq kwsheyip baratır edi. Úylerdıń diywallarına “Xalıq, oyan! Waqıt keldi!”, degen jazıwlar payda boldı.

Konventke ashlıqtan hám “watansúyiwshi”lerdiń quwǵın etilgeninen ǵázepke kelgen adamlar toparı kelip turar edi. Qozǵalań 1795-jıldıń aprelinde baslandı. Onı heshkim tayarlamaǵan edi. Usı kuni azanda Parij shetlerinde jasawshı xalıq toplana basladı. Hayallar kóp edi. “Nan beriń! 1793-jılǵı konstitucıyanı beriń!”, - degen sózler esitilip turar edi.

Keshke barıp, Konvent Milliy gvardiya menen orap alındı, xalıqtı bolsa quwıp jiberdi. Parij qamal halatında dep járiyalandı. May ayında bul waqıyalar tákirarlandı. Sent-Antuan átirapında barlıq xalıq qozǵaldı. Kundiz saat 15.00 de qozǵalańshılar Konventtı iyeledi. Adamlar aǵımı barlıq binalardı toltırıp jiberdi. Eki kún dawamında ǵázep jalını háwij aldı. Ekinshi kún aqırına kelip, sankyulotlar jeńildi hám quralsızlandırıldı, olardıń jolbasshıları – sońǵı yakobinshiler ózlerin ózleri óltirdi. Bul qozǵalań Ullı francuz revolyuciyası dáwirindegi sankyulotlardıń sońǵı ǵalabalıq shıǵıwı boldı.