Ózbekistan respublikasí joqarí HÁm orta arnawlí bilimlendiriw ministrligi

9-termidor awdarıspaǵı. Konventte Robesp`er hám onıń tárepdarlarına qarsı til biriktiriw jetilip bardı. 1794-jıl 27-iyul`da (revolyuciyalıq kalendar` boyınsha respublikanıń 11-jılı termidor ayınıń 9-kúni) Robesp`er Konventte sóylemekshi bolǵanında, oǵan sóz berilmedi. Konvent “jańa zalımlar”ǵa bunnan bılay shıdaw múmkin emesligin qálemeydi, dep qıshqırdı. Robesp`erge qarsı ayıplaw dekreti qabıl etildi hám ol qamaqqa alındı. Konventtegi waqıyalardan xabar tapqan Kommuna basshıları Parijdegi máhállelerde qozǵalań shólkemlestiriwge urınıp kórdi. Biraq 48 máhálleden tek 16 sı ǵana ratushaǵa gvardiya otryadların jiberdi. Qalǵanları Konventke qosıldı. Kommuna basshıları Konventke hújim baslawǵa qorqıp, waqıttı ótkerip atır edi. Yakobinshiler klubı da ózin artqa tartıp turǵan edi. Keshqurın Konvent Robesp`er hám onıń tárepdarların nızamnan shette dep járiyaladı, bul bolsa sudsız ólim jazası degeni edi. Hámmesı bolıp júzge jaqın adam óltirildi, olar tiykarınan Parij kommunası aǵzaları edi. Kommunanıń ózi usı jerde biykar etildi. Revolyuciyanıń jáne bir basqıshı usılay juwmaqlandı. Feodal tártipler joq etildi, diyxanlar jer aldı. Yakobinshiler diktaturası quladı.