Ózbekistan respublikasí joqarí HÁm orta arnawlí bilimlendiriw ministrligi

Respublikanıń járiyalanıwı. Konventke 750 deputat saylandı hám 1792-jıl 21-sentyabrde óz jumısın basladı. “Ońlar”-jirondistler Konventtıń tómengi orınlarında otırdı. “Sollar”-joqarıdaǵı orınlardı iyeledi hám olardı “Taw” dep atadı. Biraq deputatlardıń kópshiligi, 500 ge jaqını “ońlar”ǵa da “sollar”ǵa da tiyisli emes edi. Olardı masqara qılıp “tegislik” yamasa “batpaqlıq” dep, deputatlardıń ózlerin bolsa “batpaqlıq qurbaqaları” dep te atadı. Konventte yakobinshiler menen jirondistler ortasında qızǵın gúres keshti. Yakobinshiler dárhal koroldı sud etiwdi hám óltiriwdi, respublika járiyalawdı, awılda feodal ǵárezlilikti joq qılıwdı, shet el basqınshıları menen gúresiwdi talap etti, Parij sanklyutları tásiri astında olar nannıń erkin sawdası biykar etiw zárúrligi haqqında da ayttı. Jirondistler bolsa revolyuciya tamamlandı dep esaplaytuǵın edi. Olar Franciyanıń respublika dep járiyalanıwına qarsı emes edi, biraq koroldıń óltiriliwine kónbeytuǵın edi. Barlıq qarsılıqlarǵa qaramastan, Konvent deputatları bir dawıstan eki dekretti de qabıl etti: jeke múlktiń qol qatılmaslıǵı hám respublikanıń járiyalanıwı. Parij kommunasınıń aldıńǵıları arasında koroldı sud etip óltiriw tárepdarları kóbirek edi. Konvent aǵzaların jawızlıqtan saqlap qalıwǵa amerikalı gumanist hám ǵárezsizlik ushın gúres qatnasıwshısı Tomas Peyn urınıp kórdi. Biraq kópshilik dawıs penen Lyudovik XVI ǵa ólim jazası belgilendi. 1793-jıl yanvarında Lyudovik XVI óltirildi.