Ózbekistan respublikasí joqarí HÁm orta arnawlí bilimlendiriw ministrligi

1791-jılǵı Konstituciya. Nızam shıǵarıwshı Májlis. Revolyuciyalıq urıslardıń baslanıwı. 1791-jıldıń sentyabrinde Keńes Franciya tariyxında birinshi márte Konstituciya qabıl etti. 25 jasqa jetken 4,3 mln erkekler saylaw huqıqına iye boldı. Saylaw huqıqı kámbaǵallarǵa berilmedi. Bajı salıǵı biykar etildi, cex sisteması, provinciyalarǵa (mámleketti 83 departamentke bólgen edi) bóliw de biykar etildi. Konstituciyanı qabıl etken Shólkemlestiriwshi Majlis tarqatıldı. 1791-jılı 1-oktyabrde jańa Nızam Shıǵarıwshı Májlis jumıs basladı. Bunda Jironda parlamentinen deputatlar kóp edi – olardı “jirondistler” dep atadı hám olar aldıńǵı Keńes basshılarınan kóre qatańraq edi. Jirondistler óz tásirin bekkemlewdi qáleytuǵın edi hám bul iste olarǵa Franciya revolyuciyasına qarsı kushlerge jeńisli urıs járdem beriwi múmkin dep esapladı.

1792-jılı 20-aprelde korol hám Nızam shıǵarıwshı Májlis Avstriyaǵa qarsı urıs járiyaladı. Francuz áskerleri Bel`giya aymaǵına kirdi, buǵan juwap retinde avstriyalılar hám prusslar Franciyaǵa bastırıp kirdi hám bir neshe qalalardı iyeledi. Franciya dushpanlarına Angliya da járdem berdi.

1792-jıldıӊ iyulinda Nızam shıǵarıwshı Májlis xalıqqa “Watan qáwip astında” shaqırıǵı menen múrájat etti.