Ózbekistan respublikasí joqarí HÁm orta arnawlí bilimlendiriw ministrligi

Franciya XVIII ásirde. Ullı francuz burjuaziyalıq revolyuciyasınıń sebepleri hám baslanıwı. Sol kushler tárepinen Ullı dep atalǵan bul revolyuciya tek Franciyadaǵı emes, bálkim putkil Evropadaǵı eski tártiplerdi de buzıp jiberdi. Ol xalıq arasında áhmiyetke iye bolıp, pútkil XIX ásir onıń tásiri astında ótti. “Adamlar azat hám teń huqıqli bolıp tuwıladı!” – bul sózler 1789-jılı Franciyada daǵazalandı hám eki ásir dawamında basqa kontinentlerge tarqaldı.

Awıl xojalıǵı. Diyxanlar hám baylar. XVIII ásirdiń 70-jıllarına kelip Franciya agrar mámleket bolıp qala berdi. 25 million xalqınan 22 millionın diyxanlar quraytuǵın edi. Usı waqıtqa kelip, diyxanlardıń tiykarǵı bólimi erkin bolsada, ele jáne bir yarım million diyxanlar shirkewlerge qaraslı edi. Diyxanlar jasap atırǵan hám islep atırǵan jerler feodallardıń múlki esaplanatuǵın edi. Bunıń ushın olar senorlar paydasına bir qatar tólemler (pul yaki tovar menen) tólegen. Awıllardıń kámbaǵallasıwı ádettegi jaǵday bolıp qala berdi. Kóp ǵana diyxanlar tilenshi hám dárwishlerge aylanıp ketti. “Nan qozǵalańları” hám salıq zulımına qarsı qozǵalańlar da tez-tez bolıp turatuǵın edi.

S