Ózbekistan respublikasí joqarí HÁm orta arnawlí bilimlendiriw ministrligi

Lyudovik XIV
úzlep at qosılǵan ekipajlar, un, gósh, kók shópler, balıq tiyelgen arbalar háreketlenetuǵın edi. Aqsúyeklerdiń faytunları júdá tez shabatuǵın edi, olar pochta jeńilligine iye edi – óz waqtında shetke shıqpaǵanlardı jazasız basıp kete alatuǵın edi. Versal` adamda ájayıp tásir qaldıratuǵın edi. Úlken binalar, úlken maydanlar hám baǵlar–bulardıń hámmesi francuz koroliniń ullılıǵın kórsetiw edi. Hátte baǵdaǵı háykelleri de onıń ullılıǵın esletip turıwı lazım. Yupiter háykeli de Lyudovik XIV tiń ózine uqsatıp salınǵan edi. Hár kúni sarayda bolatuǵın spektakllerde barlıq qatnasıwshılar “koroldi oynawı” kerek edi. Lyudovik XIV háptesine eki-úsh márte ańǵa shıǵatuǵın edi. Ań bolmaǵan kúnleri keshqurın sarayda maskaradlar, koncertler, karta oyını shólkemlestiriletuǵın edi. Bunday turmıs tárizi korolge hayar hám qáwipli aqsúyekler wákilleriniń “qol astında”, “kóz aldında” bolıwın támiynleytuǵın edi.

1715-jılı 72 jıl taxtta otırǵan Lyudovik XIV qaza taptı. Onı zamanlasları “Korol-Quyash”, ullı dep ataǵan. Sol kúni Quyash sóndi, ullılıq hám ketti. Onıń uzaq jıllıq iskerligine gúmis máresiminde sóylegen ruwxaniy bir sóz benen juwmaq jasadı: Tek Quday ullı! Bul sózler bul dún`yada ullılıq sorap atırǵan barlıq húkimdarlarına qarata aytılǵanǵa uqsaydı.