Ózbekistan respublikasí joqarí HÁm orta arnawlí bilimlendiriw ministrligi

Oliver Kromvel` hám “jańa tártip”tegi armiyanıń shólkemlestiriliwi. Awıl aqsúyegi Oliver Kromvel` 1599-jılı 25-aprel kúni onsha úlken bolmaǵan shetki qalashada dún`yaǵa keldi. Reformciya jıllarında bir qatar monastrlardıń jerleri Kromvel` áwladı qollarına ótken edi. Shańaraq puritanlıq qaǵıydalarına ámel qılatuǵın edi. Bos waqıtlarında kóbinese shirkewge hám Injil oqıwǵa baǵıshlaytuǵın edi. 1619-jılı Kromvel` huqıqtı úyreniw ushın Londonǵa ketti. Bir jıldan soń ol londonlıq bay sawdagerdiń qızına úylendi hám úyine qaytıp, xojalıq isleri menen shuǵıllandı.

1
Oliver Kromvel

628-jıl Oliver Kromveldiń táǵdirin keskin ózgeritip jiberdi. Ol parlamentke saylandı. 1640-jılı 3-noyabrde Uzaq múddetli parlament dúzilgen waqıtta Kromveldi qarsılas táreptegiler arasında kóriw múmkin edi. Ol siyasiy gúresshiniń barlıq qásiyetlerine iye hám Uzaq múddetli parlament liderleri arasında ayrıqsha orını bar edi. Puqaralar urısı dáwirinde 43 jaslı Kromvel` óz ómiriniń jańa betin baslaydı. Ol ájayıp shólkemlestiriwshi hám sárkarda ekenligin hám kórsetti. 1642-jıldıń sentyabrinde Oliver Kromvel` puritan-aǵımındaǵı qatarlasları arasında tańlap alınǵan 60 kewilli atlı áskerler toparın basqardı. Waqtı kelip, es ki tártiplerdi jaman kóretuǵın bul adamlar toparı ataqlı “temir janbaslılar” atlı áskerler otryadına aylandı. Kromvel` kúsh hám waqıttı ayamastan áskerlerge tálim berdi. Onıń áskerleri shıdam hám intizamı menen belgili edi. 1643-jıldıń aqırına kelip Kromveldiń atlı áskerleri 1100 adamnan ibarat 14 eskadronǵa iye edi. Olar jańa armiyanıń tiykarına aylandı. Urıs aldınan Kromvel` uzaq waqıt ibadat qılatuǵın edi, ibadattan soń bolsa “Qudaydan úmit qıl, biraq poroxtı qurǵaq saqla!” – dep aytatuǵın edi.