Ózbekistan respublikasí joqarí HÁm orta arnawlí bilimlendiriw ministrligi

Xalıq Reformaciyası kósemi. Xalıq Reformaciyası kósemi Tomas Myuncer (1493-1525) boldı. Eki universitetti tamamlaǵan joqarı bilimli adam nege bunday joldı tańladı? Ruwxanıy bolǵanı ushın Myuncer elde ápiwayı adamlar menen tez-tez sóylesip turatuǵın edi. Reformaciyanıń dáslepki jıllarında ol Lyuterdı qolladı, keyin bolsa olardıń jolı ajıralıp ketti. Knyaz`ler máplerin gózlegen Reformaciya onıń kóz-qaraslarına tuwrı kelmes edi. Myuncer “hákimiyat ápiwayı adamlarǵa beriliwi kerek”, sebebi Qudaydiń qálewi sonday, der edi. Óz násiyatlarında ol óz qáwimine, quday haqıyqıy dindarlar menen, tańlanǵanlar menen sóylesedi hám xalıq poplarǵa emes Qudayǵa qulaq salıwı kerek, degen edi.

Myuncer xalıqqa “óz húkimin ótkiziwge”-hákimlerdi awdarıwǵa shaqırdı. Nátiyjede “kúshliler xor bolıp, azziler ullılanadı”. “Quday patshalıǵı” payda boladı, jerde ádalatlı jámiyet ornatıladı degen pikirdi tarqattı.