Ózbekistan respublikasí joqarí HÁm orta arnawlí bilimlendiriw ministrligi

Yaponiya Tokugavalar syogunlıǵı dáwirinde. Tokugava shańaraǵınan dáslepki syogunlar dáwirinde Yaponiya birlesken mámleketke aylana baslasa da, tiykarında mamlekettiń birlesiwine erisilmegen edi. Tokugavalar dáwiriniń baslarında Yaponiyanıń xalqı 20 mlnǵa jaqın adamnan ibarat edi. XVII ásirdegi turaqlılıq sebepli xalqı 29 mln ǵa jaqınlastı. Olardıń 80%den artıǵı awıllarda jasaytuǵın edi hám mámlekettiń bas islep shıǵarıwshı kúshi – diyxanlardan ibarat edi.

Tokugavalar Yaponiyasında jerler feodallarǵa tiyisli bolǵan. Feodal jer iyeliginiń tiykarǵı formaları tómendegiler edi: 1) syogunlardiń jerleri; 2) knyazlardiń jerleri; 3) shirkew hám monastrlardıń jerleri.

Sawdagerlik hám ónermentshilik tiykarınan Yaponiyanıń tikkeley Syogunlıq qadaǵalawı astında bolǵan qalalarda toplanǵan edi. Eń iri qalalar Edo – Yaponiyanıń paytaxtı, Osaka – mámlekettiń bas sawda orayı, Kioto – imperator rezidenciyası, port qalalari Sakay hám Nagasaki edi. XVII ásir ortalarına kelip Edo, Kioto hám Osakada 300 mıń xalıq, port hám sawda orayları bolǵan Nagasaki, Nagoya, Sakai hám Qandzava qalalarınıń hár birinde 60 mıńnan artıq xalıq jasaǵan. Xyogo, Fukuogo hám Takatada 10 mıńnan 20 mıńǵa shekem adam bar edi. Rezidenciya qalalarınıń úlken-kishiligi knyazlıqlardın aymaqları kólemi hám xalqına baylanıslı edi.