Ózbekistan respublikasí joqarí HÁm orta arnawlí bilimlendiriw ministrligi

Qalalar hám qalalılardıń kóterilisleri. XVIII ásir ortalarında ekonomikalıq krizis, dáslep tiykarınan awılǵa tiyisli boldı. Qalalılardıń shıǵıwları tiykarınan gúrish hám basqa kundelikli zárúr tovarlarǵa sawdager monopolistler ornatqan bahalardıń asırılıwına narazılıqtan kelip shıqtı. Sonıń ushın da bul shıǵıwlar yapon dereklerinde “gurish qozǵalańları” dep atalǵan. Qozǵalańshılar bay sawdagerlerdiń úylerin buzıp, ámeldar yaki jergilikli knyazlardıń isenimli wákiller rezidenciyalarına hújim etip, skladlardı iyelep aldı hám gúrishlerdi ashlarǵa tarqatıp jiberdi.

XVIII ásir aqırı, 1793-jıldan baslap, ele syogun júdá jas bolǵanlıǵı sebepli, Macudayra Sadonobu regent hám Yaponiyanıń ámeldegi húkimdarı boldı. ol feodallıq dúzimdi saqlap qalıw maqsetinde bir qatar ilajlardı islep shıqtı. Aqsúyekler hám sawda burjuaziyası arasında dábdebelilik hám ısrapgershilikke qarsı gúres járiyaladı. Ǵárejetlerdi kemeytiriw ushın Macudayra Kiotodaǵı imperator sarayı qurılıwı ushın ketetuǵın qárejetti ádewir qısqarttı.

Yapon feodalizminiń qaltırap qalǵan tayanıshı- samuraylardı qollap-quwatlaw ushın Macudayra ayrıqsha sharalardı qollawǵa májbúr boldı. Olardıń altı jıldan aldınǵı qarızları keship jiberildi, hám qalǵanları boyınsha tólenetuǵın procentler qısqartıldı.