Замонавий узлуксиз таълимни рақамлаштириш: педагогика соҳасида

Tanqidiy fikrlashni rag'batlantirish. 
San'at ta'limining muhim 
hissalaridan biri bu shaxsiy va umumiy ma'no yaratadigan tajribalarni 
o'rganish va ularni asarlar yordamida taqdim etish uchun imkoniyatlar 
yaratish, shu bilan birga, jarayonga oid ko'nikma va tushunchalarni 
o'rgatishdir. Shunday qilib, sifatli san'at o'quv dasturi san'atning 
o'zgartiruvchi kuchiga va tanqidiy izlanishga asoslangan[1,12]. Qolaversa, 
tanqidiy pedagogikaning maqsadlaridan biri o‘quvchilarni tafakkurli, 
mulohaza yurituvchi va jamiyat hayotining faol ishtirokchisi bo‘lishga 
imkon berish ekan, bunga erishishda mazmunli san’at o‘quv dasturi 
muhim rol o‘ynashi mumkin. Bunday maqsadlarni rag'batlantirish 
usullaridan biri o’quvchilarni "o'quv jarayonining manfaatdor tomonlari va 
yaratuvchilari sifatida kengaytirish" uchun qaror qabul qilish jarayoniga 
jalb qilishdir[4, 139].
 
Ijod.
 
Qaysi mamlakatdan qat'iy nazar, har qanday odatiy san'at darsi 
qalamtasvir (akademik amaliyotlar asosida), rasm chizish, ranglar 
nazariyasini o'rgatish va hunarmandchilik namunalarini (mamlakat 
standartlari asosida) o'z ichiga oladi. Gud ijod jarayoni maktablardagi 
tasviriy san'at ta'limining markazida qolishi kerakligini ta'kidlaydi[1,13]. 
Qolaversa, ijod jarayonida o‘quvchilar ijodkor sifatidagi nuqtai nazarini 
yaxshilashlari mumkin[5, 48]. O’quvchilar o'qituvchi ma'lumotlarini 
passiv ravishda o'zlashtirishni yoqtirmasliklari sababli, "san'at mahorat 
amaliyoti sifatida" dan "san'at ma'no yaratish sifatida" ga o'tish orqali 
o'quvchilarga o'z ijodlari uchun mas'uliyatni o'z zimmalariga olishga 
imkon berish o’quvchilarni o'z mazmuni bo'yicha mutaxassis bo'lishga olib 
kelishi mumkin [4, 140]. Hatto tajribasiz o'qituvchilar ham o'quv dasturiga 
asar yaratish nuqtai nazaridan yondashishni afzal ko'rishadi va tadqiqotlar 
shuni ko'rsatadiki, byangi faoliyat bohlagan o'qituvchilar yaratuvchanlikni 
mazmunli o'quv dasturining muhim qismi sifatida ko'rishgan[2, 245].