Yangi O`zbekiston mening nigohimda

Yangi O`zbekiston mening nigohimda
Esse
Ona Vatanimiz- O`zbekiston Respublikasi o`z mustaqil taraqqiyot yo`lining shonli 30 yilligini eng ulug` va eng aziz bayram sifatida tantanali nishonladi.O`zining ma`no –mazmuni,bunyodkorlik ko`lami mohiyati va ahamiyati bilan ot`gan 30 yillik davr mamlakatimiz tarixiga zarhal harflar bilan bitilgan tom ma`nodagi buyuk bir davr bo`ldi.O`zbekistonimiz istiqloli bizning oldimizda ulkan imkoniyatlar eshigini ochdi va xalqimiz uchun erkin va farovon hayot barpo etish,dunyo hamjamiyatidan munosib o`rin egallashdek yuksak maqsadlar yo`lida mustahkam poydevor bo`lib xizmat qilmoqda.
Mustaqillik 30 yil muqaddam mardona kurashlar natijasida ro`yobga chiqdi.Tarixan juda qisqa,biroq mazmunan asrlarga teng bu yillar davomida xalqimiz milliy taraqqiyot yo`lidan izchil va qat`iyat bilan borib,barcha sinov va mashaqqatlarni yengib o`tib ,olamshumul yutuq va marralarga erishmoqda.Hayotning o`zi biz tanlagan yo`l har tomonlama to`g`ri ekanini ko`rsatmoqda.Buni bugun butun jahon ahli e`tirof etmoqda.Bu o`z navbatida xalqimizning irodasi,kuch-qudrati va bunyodkorona mehnati samarasida,davlatimiz rahbari tomonidan olib borilayotgan siyosatga berilgan haqqoniy bahodir.
Yangi O`zbekistonimizda amalga oshirilgan keng ko`lamli islohotlar -milliy davlatchilik va suverinitetni mustahkamlash,xavfsizlik va huquq tartobotni ,davlatimiz chegaralari daxlsizligini,jamiyatda qonun ustuvorligini inson huquq va erkinliklarini millatlararo totuvlik va diniy bag`rikenglik muhitini ta`minlash uchun muhim poydevor bo`ldi.Ayni vaqtda mamalakatimiz bosib o`tgan taraqqiyot yo`li taxlili bugungi kunda jahon bozori talabi keskin o`zgarib,globallashuv sharoitida raqobat tobora kuchayib borayotgani davlatimizni yanada jadal suratlari bilan rivojlantirishi uchun mutlaqo yangi yondashuvni ishlab chiqishni taqozo etdi.Mamlakatimiz rahbari Shavkat Mirziyoyevning tashabbusi olib borilayotgan islohotlar samarasini yanada oshirish ,davlat va jamiyat ning har tomonlama va jadal rivojlanishi uchun shart-sharoitlar yaratish ,mamlakatimizni modernizatsiya qilish hamda hayotning barcha sohalarini liberallashtirish bo`yicha ustuvor yo`nalishlarni amalga oshirish maqsadida 2017-yil 7- fevraldagi farmoni bilan 2017-20021-yillarda O`zbekiston Respublikasini rivojlantirishning 5 ta ustuvor yo`nalishi bo`yicha harakatlar strategiyasi tasdiqlandi.
Ayniqsa, Prezidentimizning yoshlarni yuksaltirish va ularning bo`sh vaqtini mazmunli tashkil etish maqsadida 2019-yil 20 martdagi 5 muhim tashabbus to`g`risidagi qarorning qabul qilinishi meni yanada quvontirdi.Nimagaki, har bir shaxs o`z iste`dodini namoyon qlishga imkoniyat tug`ildi.Madaniyat, san`at,sport,internetdan samarali foydalanish,bolalarni yoshligidanoq kitobga mehr uyg`otish va keng dunyoqarashni shakllantirish ,biror bir kasbga qiziqtirish sohalarini o`z ichiga olgani bugungi kunning eng dolzarb masalasidir.
Yurtboshimiz biz yoshlarga ishonib o`z nutqlarida :“…Biz zamonaviy bilim va ko`nikmalarga ega bo`lgan g`ayratli,tashabbuskor,har tomonlama rivojlangan yoshlarimizni o`zimizga tayanch deb bilamiz…”deya alohida to`xtalib o`tganlar.Biz bunga: “Biz tayyormiz”-,deya birdamlik bilan javob qaytarishimiz zarur va shart deb o`ylayman.Nazarimda qisqa vaqt ichida Yangi O`zbekistonda eng sezilarli narsa shu bo`ldiki, o`zbek davlatchiligida global dunyo bilan integratsiyalashgan holda milliy o`zlikni anglash masalasiga katta e`tibor qaratildi.
Bizga yaratilgan imkoniyatlardan foydalanib,xorijiy tillarni chuqur o`rganib,axborot davrida yashayotganimizni hisobga olgan holda ,kompyuter va axborot texnologiyalari sohasidagi ilmimizni yanada oshiramiz.
Mening nigohimda bugun yangicha fikrlaydigan ,o`z kelajagini mamlakatimiz kelajagi bilan bog`liq holda ko`radigan biz yoshlar -YANGI O`ZBEKISTONNI rivojlangan davlatlar qatoriga qo`shamiz va uni jahonga tanitamiz!!!